محاوره جميله بتركيباتها وصورها لشاعرين لازالوا بابداعهم حديث الساعه
الجبرتي :
من ضمير الشاعر اللي جاب له معنى ورده ...أبدع الامثال والأمثال من فكري وبالي
يا شباب العرب ياللي يذبح العاشق يوده ... لا تميل السوق بالصندوق والصندوق خالي
المسعودي :
قودها بالشايب اللي مال عيني عنك صده .... ما مضى لك فوق هذا الراس من سود الليالي
واش بغيت تقول ياعود كثير الشيب خده ....مانت حول الباب الأقصى خل عينك فالموالي
الجبرتي :
صاحبي عبدالله المخبور ما ينباح سده ...مثل ابن غانم ذياب ومثل أبو زيد الهلالي
لن بدا مع ريع سده وان صدم له ضلع هده ...منهو اللي مثل ابن مستور صدام الليالي
المسعودي :
المخالف بالعوارف مايضده غير ضده .... وان تعلمت الرجال تجيك بعلوم الرجالي
لن ثبت في الكلام اللي وانا حاضر تعده ....ما يجيني شيء غير يكود من جدي وخالي
الجبرتي :
الزم السيف بنصابه ولا يوقع فيك حده ...انقطع راس الخيال ان كان في فكرك خيالي
صقرنا مخبور دايم يخبط الصيد بيده ...كل ما أصبح صبح ياكل من عراميش الغزالي
المسعودي :
يالجبرتي لو يجيك بعير لو من غير عده ...كيف تقدر ترحله لن جاك في وقت الرحالي
اندقم مخلابك اللي في لحوم الصيد وده.... ما يصيد من السمان الا المقادم والطحالي