[نيزك]

المشاركة الأصلية كتبت بواسطة سرحان الشيباني

الله يستر على الجميع

الدنيا ارزاق وانا اخوك وعيبنا لا شفنا واحد مغتني قلنا هذا بياع ويسوي غسيل اموال والله اعلم بعباده

ولا تنسى ان تجارة الابل مربحه يعني تشتري لك بكره بعشره الاف واليوم الثاني تبيعها بخمسين الف يعني تطلع اضعاف راس مالك اربع مرات واكيد مايخفا عليك قصة سعود الشيباني راعي الكايده اللي باع جيبه اللي مايملك غيره واشترى بكره ووصل سعرها 2 مليون ورزقه الله

مع اني والله ضد المتاجره بالابل بهذه الاسعار المرتفعه كلها كومة لحم لو تبيعه ماجاب لك خمسميه ريال

واللي يتاجر بغسيل الاموال عقابه عند الله عظيم ولابد ماينفضح في القريب العاجل

عموما يعطيك العافيه يالجلاوي وبالتوفيق للبايع والمشتري

صحيح كلامك .....ولا نقول إلا الله يستر عليهم ويريهم الحق حق

لكن ياأخي الإنسان مؤتمن من الله على هالأموال
ولابد أن يراعى وجه الله فيها

الرجل حرّ طبعاً في التصرف في أمواله كيف يشاء.... ولكن خلني أعطيك مثال

إذا كان هالإنسان يملك هذا المال في حسابه في البنك فهو بالطبع لابد أن يخرج زكااااااته
صح؟
هذا المفروض

هل تعلم أن زكاة هالفلوس لو خرجت سوف يتم بها تزويج نسبه هائله من شباب القبيله اللي راغبين في الزواج ولاهم قااادرين عليه؟ <<< هذا مثال من مجموعة أمور لابد أن يُنتبه لها في القبيله

أنا سأفرض حسن النيّه وأقول ان الشاري مجرد واجهه لصفقه لايعرف خفاياها
وكأنه يقول في نفسه
" الصيت ولا المال"
فهو هنا حصل على الصيت واحتمال كبير أنه لايملك هذه المبالغ الهائله

وفي الأول والأخير هذه امور بين الإنسان وربّه

ونحن هنا فقط نتكلم في الموضوع لأنه تم نشره في الإعلام ولسنا حاسدين أعوذ بالله

ولكنّ الوعيّ ضروري علشان ماننوخذ طقطقه