يعطيكم العااافية جميعا ويجمل حالكم ..... ماقصرتوا
> وش رايكم لو أعطيكم رأي المتواضع < مير نخاف من الهجمات المرتدة
اهلا بك يابرق شمالي وحنا ماطرحنا الموضوع إلا نشوف وجهات النظر منكم
المحاورة معناها ..معتمد على الإيحاء ..ماهو على الرمز حتى نفكر به ونستنتجه .
مصلح بن عياد:
ياسلام الله لكم ياهذيل اهل الأصول..الآصالة والثقه بينكم متبادله
أهل الأصول ...
الاصول يعني المباادي والالتزامات والتقدير والمعرفة .........ألخ .
والمعنى مالتزمتوا بالاصوول ؟؟؟ لكن ليش .... طبعا لابد حاصل شي وأكيد إنه حول اللعب والمحاورة .
تعرفون الشعراء مايبعدون عن التخصص ههههههه .
يا محمد يا محمد سمعنا وش تقول..ضيقتك المشكله وانت اساس المشكله
عاد ذا مايبي له تفسير وزود شرح .
محمد المسعودي:
مرحبا من شرع ربي ومن هدي الرسول..كل مخلوق محاسب بذنبه واعمله
يعني ماهو أنت الي تحكم علينا !!!!
يوم اقول اقول لك مشكله تبغى حلول..وابن عياد أي كلمه تمره تزعله
مصلح بن عياد:
ماعلينا من هدير البعارين الفحول..المسامه عندنا والرسن والسلسله
انت وش بك يوم صاحي ويومين مهبول..تعترض للثانيه مااقنعتك الآوله
هذي بيوت الحارثي الثالث والرابع .
وين الرمز السياسي .
البعارين الفحول .... وشلون نحكم عليها ونقول إنها رمز .
هي فعلا ترمز للقوة ... أما نخصصها نقول ايران واليمن ...... الحقيقة ماهو منطق ولاهو كلام واقعي .
المحاورة ذي مااعتمدت على الرمز المباشر ... اعتمدت على الايحاء يعني المسعووودي بس هو الي يقدر يفسر الابيات ذي لأنه هو المعني بها من البداية ... وفاهم الأحداث .
> هذا الكلاااام ...مايقلل من شاعرية أحد .
لأن كل معنى له طرية بناء خاصة ... تعتمد على عدة أمووور .
هنا الحارثي ماعتمد في بناء المعنى على رمز مباشر دقيق .
بعطيك مثال للحارثي ...اتبع منهج جيد لبناء المعنى في هذي المحاروة وانت أحكم :
على خاطري علم بعده ..يرضي صاحبي والا يضيقه .
سرى الليل والبارق يماني ... غن ياحمام الورق غن .
البارق يماني < لاحظ دقة الرمز .. رمز مباشر ولايوظفه الا شاعر مقتدر وشاعر متمكن .
البارق ...له معنيين ... ويماني له معنيين
يعني فن بناء معنى على اصوووله ..
ليش اعتمد الطريقة ذي في هذه المحاورة ...... واختفت في المحاورة مع المسعودي < طبعا حسب ظروف كل معنى وكل ملعبه .
ليش حللنا ذي وفهمناه ... واختلفنا عندي ذي مع المسعوودي ؟؟؟؟ طبعا مايحتاج اجابه .
تااابع المحاورة ذي ...وحللها لأنها معتمدة على رمزية ... ماهو موضوع ماحد داري عنه الا خمس اشخااص ههههه :
فيه كثير من المحاورات فيها رمز دقيق يجعلك تنجح في فهم المحاورة وتفهمها .... وكثير من المحاورات تعتمد على أموور ورموووز عامة وأحداث خاصة . ولكن أصحاب الخبرة يكون فكرة عامه و يتبع تقاليد المحاورة ومبادئها .. ويحلل المحاورة على حسب هذه الأصول .
كلامك جميل أخي الشمالي لكن حنا ركزنا على وصف البيوت للمعنى وتاريخها حيث أنها في وقت حرب الحوثيين وهذا مايخلينا في حيرة أكثر وتكون أقرب للمعنى السياسي ...تعرف إن البعير رمز ....لكن ماتعرف وش يعني بالتحديد .
وتعرف إن البعير لاراح ...لازم يرده الشاعر الثاااني ... هههههه وأحيان ماهو بلازم يرده هههههه ..وهكذا .
> كتبت كلااام واجد ... وبي عجز لاأراجعه ... مير فكونا من الهجمات المرتدة ...والخطأ مردود .. والبرى مردوود ههههههههههه
> ترى لي فترة عن المنتدى ..... مساكم الله بالخير جميع
