يابـنـت انــا حـالــي مـثــل ماتشـوفـيـن
اجــدب ربيـعـه وامحـلـن بـــه سنـيـنـه
لاصــار عــن مـاصـار منـتـي بتـدريـن
خــلــي شــقـــي الــحـــال لاتبـحـثـيـنـه
عيشـي كثـيـر وعــن كثـيـرن تعرفـيـن
ولابـــد بـالـلـي صـــار لـــي تفهمـيـنـه
لاتجرحيـن المهـتـوي يـاريـش العـيـن
خلـيـه فــي حـالــه عـســى الله يعـيـنـه
وليابغيـت الـلـي حـصـل بـيـن قوسـيـن
((الريح يجري عكس مجرا السفينه))
الـعـام حـلـمـي فـيــك يـاكـامـل الـزيــن
وبـيـتـن جـديــد ومـوتــرن مشـتـريـنـه
واحـلـم بـعـد فالبـنـك عـنـدي مـلايـيـن
غــيــر الاراضــــي والقصورالثـمـيـنـه
وياماحلـمـت احــلام كـبـر الضـلاعـيـن
وضـاعـت حلـومـي يـاغــزال المـديـنـه
اليـوم طفـران(ن) محـمـل مــن الـديـن
ومحـتـاج وابغـالـي مــن البـنـك ديـنــه
بـحـلــت بـالـدنـيـا وطــــرد الـمـقـفـيـن
والــراس قـاسـي والـمـواقـف حـزيـنـه
الشاعر / فيحان العرط