[وصل الشهيب]

المشاركة الأصلية كتبت بواسطة فايز بن سرحان الثبيتي

..

على حدود العاصفه والموج والحـظ البليـد=اخر مجاديف الزمان اللي حذفته مـن يـدي
وعلى سكاكين الرضا بالجور في سلم العبيد=ماضن يبقى للحمول جمـال قبلـي وبعـدي
يادانة الحزن اتركيني هكـذا عايـش وحيـد=فالخانه اللي تقسم الحرمان والكـف النـدي
اتعب على طرد الهجوس اللي تجيني بالقصيد=اليا التوى بالشمس عنقود الظلام السرمـدي
اتبع خطاهـا كـل ماقامـت تهيـا للشديـد=والقى ملامحها على وجه الثريـا والجـدي
تقفي معه وانا اتحراهـا تعـود مـن جديـد=وتغيب عن عيني وترجعلي وانا في مقعـدي
مالي نديم الا سكون الليل وانفـاس الجليـد=والفكره اللي بين قطعان الهواجيـس اتعـدي
احيان احس اني شقي واحيان احس اني سعيد=واحيان احس اني غريب الدار وانـا فبلـدي
اسوق رجلي لو قدم رجلي مكبـل بالحديـد=مير الوكاد اني ذراع ابوي واحـزام ولـدي

مشرفنا وشاعرنا

فايز بن سرحان

مير الوكاد اني ذراع ابوي واحزام ولدي
مير الوكاد اني ذراع ابوي واحزام ولدي

وكاد وكاد وكاد يافايز

بيض الله وجهك

وصح لسانك

جميله هذه القصيده بكل ماتعنيه الكلمه

لله درك

أجمل تحيه مني لك

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي