هذا الطاروق من حفلة اقيمت عند قبيلة بني فهم في قصر ليلتي بمكه يوم الاربعاء الموافق 4/4/1432هـ واعجبتني كثيرا واردت ان انقلها لكم لارى ارائكم النقديه والله الله يابوفايح ولا يهونون الجميع
حبيب العازمي
سلام ياللي صفكم مع صفنا ناقف جميع ***يوم القبايل في مواقفها تصف صفوفها
الله يبارك للزبون المشتري واللي يبيع ***والله يبارك في اللزوم اللي تجي بظروفها
عبدالحميد الفهمي
يامرحبا والصف واحد والمواقف ماتضيع*** يامرحبا عند الرجال اللي تعز ضيوفها
الله يعين المستطيع ولا يبارك في المطيع ***الله ولا بعض النفوس اللي خفياً خوفها
حبيب العازمي
الله يبارك فيك ويقويك يالصدر الوسيع ***والناس لولا الجود ماشفت الشحم في كفوفها
عبدالحميد اللي يبا يلحق على نبت الربيع***مرت عليه سيول جده ماتقول يشوفها
عبدالحميد الفهمي
أحب صحبة صاحباً رايع ويبدي كل ريع ***محسوب مايحسب حساب أجلوسها ووقوفها
عبدالحميد موثقاً سده وله سداً منيع***طوفان جده ماقرب مني وأنا ماطوفها
حبيب العازمي
من ماضي الايام مايقوى الشجيع الا الشجيع***والمعركه بإرجالها وإرماحها وسيوفها
العفو عند المقدره ياصاحب القدر الرفيع ***والناس منتها ليا ضاقت على معروفها
عبدالحميد الفهمي
طماع وأنته لك سنه وأكثر طعامك من ضريع *** يامل نفساً جافيه من زود مافي جوفها
الراي رايك والوداعه مايضيعها الوديع ***لكن يالله تحمي العربان من ملقوفها
حبيب العازمي
شربت من وبل المطر يوم البروق لها لميع ***والياقضبت شدادها ليه ألتفت لردوفها
تسعين سياره تقابلني مع الخط السريع*** واشكالها متخالفه وارقامها وحروفها
عبدالحميد الفهمي
لاشك من يسبح مع التيار مايمسي صريع***والنار ماهي والعه لين الهبوب تلوفها
ماحد يلوم الا هل التصنيع وأصحاب الصنيع***أهل التجاره يامغطاها ويامكشوفها
حبيب العازمي
أن كان ماسبعك رايك مايسبعك السبيع***لاتنقل المشعاب للاجناب لين تحوفها
تنحاش من شوك السلم وتطيح في شوك النقيع***وأهل الدفوف من الطر ب قامت تدق دفوفها
عبدالحميد الفهمي
بعض الكماليات من زود النعم يابن منيع ***الدين يسر وكل نفساً قانعه بشفوفها
ويش عاد أقلك واللكاعه ماتجي الا من لكيع***كلاً يحب الشجره اللي دانيات قطوفها
حبيب العازمي
لاوالله الا ضاع صوتك في الاذاعه يالمذيع***وانت امتلحف بالعباه اللي يهول صوفها
آخر تعديل ابن حبان يوم 12-Mar-2011 في 09:50 PM.