[بعيـد المرامع]

المشاركة الأصلية كتبت بواسطة مرزوق حمدان العتيبي

وش تبا يكتب لك التاريخ يالقذافي =ياعدو شعبك ويارمز التخلف كله
انتهجت المنهج اللي ماش فيه انصافي = والمصيبه مع عماك الطين زدته بلّه
في كلام الله عبثت وزدت بالاسفافي = وعن طريق الحق ملت ووش تبا تاصله؟
شي ماتامر به الاديان والاعرافي = دون حق السيف من فوق الرقاب اتسله
كيف تهدم مابنيت وتقصف الاشرافي = الوكاد انه حصلك وسط عقلك خله
ماكسبت الا الردى ياهابي الميقافي = ولانكبك الا نتاج افكارك المنحله
شعبك المسكين صاير للهجوم اهدافي = كل مبنى فوق سكانه تقوم اتهله
لين عاداك الجميع وجاتِك الاحلافي = حاصروك بوسط سردابك وجتك الذله
دارت الدنيا علاك وبان كل الخافي = وانسحب من كان حولك من رموز الشله
ما بقالك من ردا حظك رفيق ٍ وافي = لكن اخرج قبل موتك والمكابر خله
اخذ من حسني مبارك معتبر يالهافي = يوم كابر وطردوه اهل الشرف والمله

تشريح وضع ..ووصف حال .. طاغيه ..ومعاناة شعب..

كلام ماجاوز الصحيح قيد انمله..

في قالب جزاله..

وهذا الشعر..شعور..واحساس

وأجمله واكمله..مالتمس الآلآم الامه..وجراحها

بيض لله وجهك يابومحمد ..ولا هنت

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM