[محمد الحميدي]

صدق المشاعر لولاة الامر واجب ديني
وقد تباشرنا بسلامة صاحب السمو الملكي أمير الرياض سلمان بن عبدالعزيز حفظه الله

وهذه قصيدة اخي نايف



من صادق الأشواق وأبيات الأشعار

اللي تباشر بالفرح والمسره

جتنا البشاير واعلنوها فالاخبار

بشايرٍ تبعد عن القلب حره

تباشري يانجد يادار الاحرار

سلمان عداه الخطر والمضره

ياسيدي سلمان لاباس ومجار

سلامتك قلب السعودي تسره

كل التهاني والتباريك تختار

سلمان حاكم نجد لله دره

الحمد لله والفرح شع الانوار

حتى كسا نوره نجوم المجره

يابوفهد لاباس ياضلع سنجار

ياضلعنا الي ماجهلنا مقره

انت الوفا وانت العطا وانت الاصرار

وانت التفاني والسمو والمبره

وانت النقا والجود يا الوالد البار

مدات جودك كل بيتٍ تمره

ياسيفنا الساطي لياصار ماصار

يقطع بلا الظالم ويقتص شره

ياسيدي سلمان زيزوم الاخطار

حبك مكن فالشعب محدٍ يغره

ياشبه ابوك اللي حمى الدين والدار

عبدالعزيز امطوع الصعب مره

جاها بسيفٍ يقطع الروس بتار

حتى صفت من عقب كره وفره

اقولها صادق ولانيب محتار

سلمان ساس العز بحره وبره
نايف الحميدي الدغيلبي

التوقيع