هذه القصيده في خادم الحرمين الشريفين حفظه الله ورعاه
أرجو ان تنال اعجابكم
ياسيدي صقر العروبه سلامات=عساك تسلم للوطن كل الاعوام
ويعزك الله يازبون الخسارات=يابو الوطن ياحاكم (ن)حكم الاسلام
رفعت هامتنا على كل هامات=وحكمت حكم(ن) من جزيلات الاحكام
ورقيت في يدك العلم بالطويلات=وشهرتبه ياسيدي فوق الاعلام
لجل الوطن كل الثقايل خفيفات=وحبك بوسط قلوبنا وافي تام
تسعى يابو متعب لكسب الجميلات=وسلطان الك ياسيدي درع وحزام
يابو المكارم والفخر والمروات=وأبو الفقارى والارامل والايتام
واهل العبث واهل القلوب الخبيثات=تحكم عليهم يالوفي حكم الاعدام
وحنا جنودك ياملك كل الاوقات=باوامرك نمشي على روس الاقدام
فعايلك مثل الجبال المنيفات=وانته كما حر(ن)بعال الفضاء حام
ماتحصي أفعالك جزيلات الابيات=ولو أكتب أفعالك يجفن الاقلام
أدعيلك الله بالشفاء والمعافات=وأنه يردك للوطن يابن الاكرام
وكل العرب يدعون وقت الصلاوات=يدعون لك في تالي الليل قيام
انه يردك للوطن بالسريعات=سالم وغانم وان تباشربك أيام
والعالم الله عالم(ن)بالسريرات=انا على شوفتك شفقاء وهيام
ومافات غير الشر والخير مافات=قدام كل الخير يالحر قدام
وآمييين قولوا ياسواميع الاصوات=أنه يرده للوطن رب الانام
وسلامتكم
أخوكم الدائم/ضاوي الشيباني
آخر تعديل ضاوي الشيباني يوم 03-Dec-2010 في 10:44 PM.