محاوره جميله جدا بين الشبــــــح حبيب العازمي والشاعر الكبير صياف الحربي "رحمه الله "
حــــــبـــــــيـــــــب
كريـم يابـارق ٍ يبـرق ونــوه قـريـب = امـا حـداه الهـوى امـا حـداه الـهـوى
مشيت وأقفـيت قبـل الشمـس عنـي تغيـب = يوم الربيـع استـوى يـوم الربيـع استـوى
صــــــــــيــــــــــاف
المـزن يرعـد ويبـرق فالنهـار الصعيـب = والله شديـد الـقـوى والله شـديـد الـقـوى
شفنا حبيـب علـى الشاشـة يـودي يجيـب = يوم الطريق التـوى يـوم الطريـق التـوى
حــــــبـــــــيـــــــب
ياضلـع ياللـي تعلـق فيـك راس الشعيـب = اوحيت ذيبك عـوى اوحيـت ذيبـك عـوى
صياف مجـروح جـرح ٍ ثومتـه ماتطيـب = لكـن جـاه الـدوى لكـن جــاه الــدوى
صــــــــــيــــــــــاف
ماهـي غريبـه لياجبـت الكـلام الغريـب = ماكل سارح ضـوى ماكـل سـارح ضـوى
البـنـدق الطيـبـه لوانـهـا ماتصـيـب = مثل التمـر والنـوى مثـل التمـر والنـوى
حــــــبـــــــيـــــــب
ان جبت سمن وعسل وان جبت تمر وحليـب = مفطر ولابي طـوى مفطـر ولابـي طـوى
ياحـرب ماعـاد فيكـم للعتيبـي حـريـب = والهرش الاصهب ثوى والهرش الاصهب ثوى
صــــــــــيــــــــــاف
مايعرف انـك حبيـب غيـر عمـك حبيـب = رحتم وجيتم سـوى رحتـم وجيتـم سـوى
احسب حسابك ترى بونـاب جاكـم حسيـب = وانا شويت الشـوى وانـا شويـت الشـوى
حــــــبـــــــيـــــــب
ان كان قلبك بطل ركبـت لـك قلـب ذيـب = لومن عيون الجوى لومـن عيـون الجـوى
الرجل صح وخطاء ليـن ان دقنـه يشيـب = واليا اهتدى ماغوى واليـا اهتـدى ماغـوى
صــــــــــيــــــــــاف
ذبح الغليـم حـلال وطفـوت النـار عيـب = ليت المريض اكتوى ليت المريـض اكتـوى
العقـرب ام الذنـب عـود ذنبهـا ذنـيـب = كلـن ورد وارتـوى كلـن ورد وارتــوى
حــــــبـــــــيـــــــب
ان كان في سلمكـم حـلال قتـل الصحيـب = اكيد طرفـك حـوى اكيـد طرفـك حـوى
العقـرب الزاحفـه والحـيـه ام الجنـيـب = اقرالهـن حـرف وا اقرالهـن حــرف وا
صــــــــــيــــــــــاف
ان كان بعـد التعـب هـذا لقيـت الذهيـب = اعطيك رتبـة لـوى اعطيـك رتبـة لـوى