شكرا" لمن كتب الموضوع ومن عقب ولكنه روا هايف العماني الدوسري وهو مشرف منتدى
ولم يوضح مصدره الأتي :ـ
حضر مخلد القثامي صدفة عند ابن رشيد فسأله ابن رشيد قائلا: من الرجل ومن اي القبائل؟ فرد عليه مخلد بقوله:
حنا عتيبة كـم حريبـا لطمنـاه
دقلاتنا مثـل الخيـال الرزينـي
وحنا اهل نجد وبسيوفنا ملكنـاه
وغابت شموس اهلـه الاولينـي
شرقنا يم الحسا واقصى قرايـاه
وغربنا يـم الحجـاز مردفينـي
تبرهجي في حمضته واشربي ماه
تبرهجـي يامقرعـات الحنينـي
والفصل في اربع سنين مسمـاه
لين اودعت سمو القبايل طنيني
منها يوما على الظـال واقصـاه
منها الجبال العلط عيـت تبينـي
ويوماً على الجال العويند فعلنـاه
على الدويش مشيب المرضعيني
وجنوبنا وادي الدواسر قرينـاه
وشمالنا صوب المدينـة يمينـي
لم يكد ينتهي مخلد من القصيدة حتى وصله ابن رشيد بالسيف يريد قتله
،فتدارك مخلد القثامي الموقف وقال:
والله لولا شيخاً وطتنا زكاياه
ماناخذ القصرة من الحاربيني
ابن رشيد اللي له الخيل مهداة
ابن رشيد مـروع الغافلينـي
يجر سيراته وذروات تبـراه
من كثرهم يا راحم الراحميني
فقال ابن رشيد: سلمت ولكن اذهب الى قومك واخبرهم اني نويتهم بالحرب, وسلم له رسالة تهديد وطلب منه تسليمها لشيخ عتيبة في ذلك الوقت ابن هندي
فتوجه القثامي لأبن هندي على عروى وسلمه رسالة ابن رشيد, فقال :زين سويت يا مخلد ،ورد ابن هندي برسالة تهديد اخرى يوضح فيها ابن هندي انه مستعد لحرب ابن رشيد ويستطيع هزيمته وان أحوج الامر ان تقام الحرب في حائل قاعدة ابن رشيد, بقوله:
يامحمد بن عبيد كانك ببـرزان
شراً تلاقيـه الوجيـه الشريـره
ومن زان حنا على الزين خـلان
ومن شان نسقيه الجروح الضريرة
وبعد أن تهدد محمد بن هندي محمد بن رشيد بأن يحاصره ببرزان ما كان من ابن رشيد الا ان جمع أتباعه من البادية والحاضره ومن أهل القصيم،وهاجم محمد بن هندي ومعه هذال ابن فهيد شيخ الشيابين(عتيبه) فأغار عليهم صباحاً وهم بعروى،ولما أوشك أتباع ابن هندي على الهزيمة جاءهم مدد من الروقة (عتيبه) وقيل ان مدد الروقة كان في يوم الرحى وكادت الحرب تتعادل بين الفريقين إلا أن الغلبة كانت لابن رشيد في النهاية بعد عناء شديد وصارت هزيمة خفيفة على عتيبه.
وفي أثناء المعركة حصل لابن هندي وقعة ضارية عند ابله المعروفة الشرفا مع المنقية ماشية ابن رشيد .
وجاء السطامي الشمري وكان قد شرب فنجال ابن هندي ،فضربه ابن هندي بالسيف فبقي نصفه على ظهر الفرس فكان منظراً بشعاً أرهب مهاجميه.
واسترد ابن هندي معظم ماشيته،وغنم ابن هندي خيولاً (قلايع) وبعد المعركة ناداه ابن رشيد وأعطاه الأمان وطلب أن يؤدي الخيل ويرد ابن رشيد الابل فقال ابن هندي:
أما عتيبة فقد تفرقوا بما غنموه وأما أنا فليس عندي غير أربعة عشر جواداً سأرسلها لك.فخذ كل ما عليه العضاد ((العضاد وسم الحمدة جماعة ابن هندي))وان أردت غير ذلك ارسلت لك قيمته.
وكان مع ابن رشيد ليل وفوران المتلقم من العجمان ،فقال حمود بن رشيد يوصي ليل المتلقم بحمل خطاب الى الشيخ راكان بن حثلين:
يا ليل سلم لي ليا جيـت راكـان
سلم علـى زيـزوم يـامٍ وأميـره
اليوم صاروا بالعرب تقـل جيـران
ومن اين ما وجّـه تقفّـوا نشيـره
وقل فعلنا شافـة حـزام وفـاران
وانته لابـو فـلاح منـا بشيـره
واذكر لهم بالكون طيحة غـزالان
ثلاث مـراتٍ بوجـه المغيـره(1)
ان كان ابن هندي نوانـا ببـرزان
حنا على عـروى قطعنـا مسيـره
ياناصر موسى على قـوم هامـان
تجعل من التقوى لنفسـي ذخيـره
يامـل قلـبٍ بيـن زودٍ ونقصـان
وسوالفٍ تاصـل طويلـه قصيـره
بعنا بربـحٍ يـوم بعتـوا بخسـران
والبوق والافلاس صرتـوا محيـره
الله حسيب اللي يبوقـون الايمـان
سبحان منهـو مايغـادر صغيـره
صرتوا لعطبيـن التفافيـق نيشـان
وخليتوا العطفـه يسخـن بعيـره
يوم اشتهيتوا حربنا مـع غـزالان
ما حربنا للي بغى الحـرب خيـره
اغواه رقصـات الشيابيـن بـوران
وتجديعهـم عيدانهـم بالسعـيـره
من الجبل جينا علـى كـل نقـران
شهريـن والثالـث ربحنـا وزيـره
هذا جزا اللي باعنا باردى الاثمـان
للطيـر خلينـاه بهـاك الجـريـره
حنا هل الطولات كسّابة الاوطـان
لـولا طعنـا ماسكنـا بـديـره
عاداتنا من مقـدمٍ فـرق الاقـران
ياما فرقنـا عـن عشيـرٍ عشيـره
نتلي شبوب الحرب مسطور الاكوان
لا احمر من عـود البلنـزا طريـره
من عادته مع الاجاويـد الاحسـان
لا جـاه بـدّايٍ لفالـه ذخـيـره
عساه عذق يشربه كـل عطشـان
محاسنـه مـا تنتـعـدد كثـيـره
فان كان هو من غارة العام زعـلان
عن ضيقـة الخاطـر ترانـا نجيـره
برقطا لها مع شقة الفجـر عنـوان
تفهـق ملازيمـه عقـاب المغيـره
جينا على وضح النقا عقـب الاذان
ذبحـت قـواد الجمـل بالمـريـره
جينا على ذروات عجلات الاقران
مستجنبيـنٍ كـل قبـا ظهـيـره
حصان الصّميد اللي يسمّى صنيتان
صيتٍ بلا جريٍ ووصوفـه شهيـره
ان جاك بالعرضه اليا تقـل ديقـان
يفزع بسيفـه سلـةٍ مـن جفيـره
من كان باللقوات روغات الأذهان
ما ينقهر غـاد الجـدا مـن منيـره
والسابق اللي عندكم يا بوسلطـان
لها بوجهك شامـةٍ مستديـره(2)
(1)غزالان:الأمير محمد بن سعود وكان حاضر الكون.وذُبح تحته ثلاث من الخيل لإقدامه وفرط شجاعته.
(2)يشير الى ان جواد ابن هندي(ابوسلطان)انما كان مسروقاً
وقد رد عليه الشيخ راكان بن حثلين:
يا راكبٍ من عندنا فوق شقـران
خرزها بالخـرج فـوق النجيـره
أوصل سلامي لأخو نوره ببـرزان
وعقب السلام تخبّـره بالسريـره
من باب برزان ليا بـاب نجـران
ماهو انا يالضيغمي انـت أميـره
علمٍ لفانـا فيـه ليـلٍ وفـوران
أستر قلبـي يـوم جانـا بشيـره
جا من حمودٍ شوق ميّاح الأردان
هو شوق من تزها الشقايق نظيره
عضيد أخوه بصادق الفعل ولسان
ودبّوس راس اللي دوابه مسيـره
فرز الوغى لا جاء ثقيلات الأكوان
لا سل مصقول السّني من جفيره
خبّرتني يا حمود عن طير حوران
يومٍ على عروى تكسّـر عويـره
هلت مخاييلـه بـردجٍ وسبهـان
ما ينتميّز وردهـا مـن صديـره
تذكر محمد جامـعٍ نجـع عتبـان
ذخيـرةٍ يــاويّ والله ذخـيـره
الأمر قدره الولي عالـي الشـان
والا عتيبة مـا عليهـم قصيـره
كرمان وان ركبوا الخيل فرسـان
اليا اختلط عج الرمـك بالمغيـره
سبيتنا سبٍ على غيـر برهـان
ما تستوي هذا لزبـن العشيـره
وحنا بديرتنا ولا حـن بجيـران
في شاية اللي ما يوازي جويـره
جيراننا صفـرٍ تنـازا بصبيـان
كل ابلجٍ يشبـع بضلـه عشيـره
حامين ديرتنـا بخيـلٍ وفرسـان
يوم ان كـلٍ لـه حـدود وديـره
من زان حنا لـه الزيـن خـلان
وضرٍ اليا حـرّك تزايـد سعيـره
ما قل دل وزبدة الهـرج نيشـان
والهرج ييزي صامله عن كثيـره
وقد عارض ضيف الله بن حميد ويقال فراج التويجري قصيدة ابن رشيد :
يا حمود كنّك قاعدٍ وسط بـزران
لا بان لك فعلٍ ولا لك عشيـره
اليا بغيت الشيخ يوقفك سبهـان
تاقف لما ان العلم يرجـع لأميـره
لولا حسن نوّخ بذربين الأيمـان
راحت عليكم يا بوماجد كسيـره
أولاد علي مطوعة كـل فسقـان
عاداتهم بالكـون كـف المغيـره
حنا خذينا الخيل قلعٍ بالأرسـان
اصايلٍ في نجـد حتـى الجزيـره
والسابق اللي قلت عند ابن سلطان
مع تسعـة آلافٍ علينـا مغيـره
يا حمود لا نسرق ولا حن ببوقان
البوق في حكمك عسى الله يديره
ابن سعود اللي يسمـى غـزالان
حلّى بتال الخيل مثـل السعيـره
الذم ما يهفي للأجـواد ميـزان
والمدح ما يرفـع يديـنٍ قصيـره
ولبرغش بن طواله أبيات أوضح فيها حقيقة المعركة وعي يوم الرّحى:
نوٍ نشا مـن روس عالـي جبالـه
هلّه على ابن حميد هـو والشيابيـن
عقب اوجهوا جا فزعةٍ من شمالـه
اولاد روقِ مرجحيـن المـوازيـن
راجوا علينـا روجـةٍ باحتمالـه
والهوش بان وتالي الهوش جا شيـن
شبّت حرايقها وصـارت شعالـه
وقودها حـم الرمـك والغلاميـن
من ضرب اهل عمهوج راحت دباله
مير اقمحن يا لابسات السباهيـن
لكن قشعـه فـي جماجـم رجالـه
قنيب ذيبٍ فـي علـو الضلاعيـن
وابـن محيّـا ضايقونـا عيـالـه
عجلين بالردات نسـل الشياطيـن