السلام عليكم ورحمة الله وبركاته
بعد محاورة تركي ومستور وغلاء المعيشه بنفس الحفله
ابن عتقان:
ياويل تركي ومستور بكره ليا صار كلبيش=بكره يحرج عليكم زين لوزير التجاره
تبغون زود الرواتب بالله زياده على ويش=انته رصيدك ملايين وانته ثنعشر عماره
تركي:
حنا نعد الحقيقه والصدق ياخفيف الريش=وانقولها لك هنيا وانقولها فالوزاره
اتجارتك يابن عتقان جمعتها بالبخاشيش=من حد جده وبحره لاحد وادي ستاره
ابن عتقان:
الغرفه اثنين فثنين وانته وعودك مكاميش=ويجيك بلطان يهرج والا رياض الشراره
انا مواطن مسالم تسدني لقمة العيش=ياتركي اخدم بلادي والربح مثل الخساره
تركي:
انته من اهل عليشه وتسجل الصوت بشويش=لكن سجل وسجل واخبر مدير الاداره
حنا حماة الجزيره بامر الرجال المداغيش=واخوان نوره نسدنا لان جات غاره وغاره
ابن عتقان:
بكره نناديك بدري ونجيب كهرب من الفيش=وانحطها في جنوبك حتى تكب الشطاره
افرض يناديك نايف ويقول الاعذار مافيش=الصبح يعطيك باكور والعصر يصدر قراره
تركي:
انا سعودي محنك ماني من اهل الطرابيش=وامرك ماهو بامر سلمان أمير نجد وشعاره
نايف على الراس والعين ويدوم للشعب ويعيش=وانته سلمي(ن)ضعيف تونس بكبدك حراره
ابن عتقان:
انته سعودي محنك ما انت النبي صفوة قريش=قدام سلمان يدري صلو صلاة استخاره
لو ان خصمك ضعيف ما قفلت معك بالشيش=لكن والله ما الومك مطرود في كل حاره
تركي:
ودك تسوي قضيه لكن حتى ايش حتى ايش=مايكسبون الصداره الا رجال الصداره
قض الليالي وخلك في كل شاطي وكرنيش=واترك ثياب البداوه والبس ثياب الحضاره