اقتباس:
المشاركة الأصلية كتبت بواسطة محمد غازي النخيش
أودعتك الله لاتردد اعلومي=عند القريب اللي ترجا علومه
خلك كما بيرن غطاه امحكومي=ماهوب رسن يشربه من يهومه
لاتنقل اعلومه عليه بيومي=من شان تأخذ له وتملا احزومه
أونست من نقل الكلام السهومي=وأنا لها بيرن غطاه امحكومه
يوم إن غيري غارقن فالحلومي=ويعزم لمصلحته وينسى سلومه
الكبد في بحر النكايد تعومي=يوم إن نفسك للدوادي خدومه
خلك بعيد ولا تجيب الثلومي=اللي تعذرب فالقريب وتلومه
وعنده تحط اللي عليه نقومي=وعندي تحط اللي تجيله نقومه
الواقع أبعد من بعيد النجومي=من هرجك الخايب وزرقة سهومه
منته بفيد العرف دامك تحومي=حول الهزيل اللي تكاشف غيومه
كم مرة(ن) حطيت منها رسومي=ولافادت النمام كثرة رسومه
مكشوف من ناس(ن) تصون السلومي=ماتقبل علومه ونقل(ن) يرومه
والله على وضعه شفوق(ن) رحومي=من ناره اللي لجل مثله شعومه
|
الأخ الشاعر
محمد غازي النخيش
جميله هذه القصيده اللتي تقفل الباب في وجه ناقل النميمه
إستمتعت بقرائتها
تحياتي