حاكم الغنامي
تعال يامعجب عسى الله يعافيك =وان كان منت بجاي حيل الله اقوى
اروح في دربي لحالي واخليك =مافيه من طرد المقفين جدوى
معجب العتيبي
لا بالله الا اجيك واجيك واجيك=واخذ علومك عقب ماجيك نجوى
عن صاحبي ماني مقفي ولافيك=شيٍ يسبب يابن الاجواد عدوى
حاكم الغنامي
حنا قبايل روق علة معاديك =واليا بقيت بظلنا كنك اشوى
منا السلات وخاله ابن تنيبيك =وابو زريب اللي حفر بير لجوى
معجب العتيبي
ان كان عندك علم هاته ونرضيك=من عقب فنجالٍ تذوقه وعجوى
منكم ومنا ماش فالوضع تشكيك=ياللي عقب غنيت عكرت الاجوى