أخواني الأعزاء أعضاء وزوار منتدى قبيلة عتيبه..
نعود لكم من جديد مع لقاء جديد وشاعر له بصمته الشعرية في جميع المنتديات الأدبيه المعروفه..
شاعرنا لا يحب الظهور الاعلامي ولكن هذا لم يمنعه من اخراج مواهبة الشعرية من نظم و محاورة..
فتجده تاره يتميز في شعر النظم وتاره في شعر المحاورة وهذا صفة الشاعر المتمكن الذي يستطيع
ان يجيد جميع أنواع فن الشعر...
رحبوا معي بالشاعر الكبير/ كديميس السيحاني( مرضي القيفان )
الذي وافق مشكورا على إجراء هذا اللقاء لمنتدى الهيلا
ونرحب بجميع أسائلتكم وأستفساراتكم والرد عليها من قبل شاعرنا
هنا اضع بين ايديكم قصيدة لشاعرنا وبعض المحاورات التي ابدع فيها وتتعرفوا على الجانب الشعري
هذه القصيدة صوت وصدى للشاعر كديميس السيحاني والشاعر سداح
صـوت للشاعر كديميس السيحاني
يـا اللـي تنشّـد ليـه يزعـل قافـي=قلبـك وعينـك واعـيـه وتشـوفـه
هيجن واهيجـن معـك قـافٍ ضافـي=تـرى زعـل قافـي دمـار الكـوفـه
الشعـر يـاسـداح لــه مجـدافـي=كسـرت مجاديفـه وهـدّت طـوفـه
تساقـط اوراق وغـصـن غريـافـي=صـارت مخاطـر كلـهـا محفـوفـه
تسعيـن فالميـه سـفـاه السـافـي=واللي بقا صفوّت غضب مـن خوفـه
الـلـي بلـيّـا واسـطـه ياكـافـي=يموت شعر اللـي نظـم فـي جوفـه
اشـوف كـره اللـي قصيـده وافـي=واللـي ينافـس مايـبـون كشـوفـه
الا ان كــان المصلـحـه تنشـافـي=للمصلحـه يعطيـك مـن مصـروفـه
للـي تعـرفـه تـمـدح المحـرافـي=كسـر البيـوت يدمدمـون سقـوفـه
يجيـك مـن قالـوا هـذا العـرافـي=وتوسـط الثانـي وسـوى بـروفـه
المـدح واجـد لـو قصيـده هـافـي=غنـج ودلـع والسالـفـه مكشـوفـه
اشـره علـى رجـلٍ فهيـم سنـافـي=اللـي يـرقّـص مثلـهـم بكتـوفـه
النقـد مايبغـى لـو انــه شـافـي=اللـي نقـد مغـرور جـلّ وصـوفـه
حطـم مشاعـر مرهـفـه ماخـافـي=يجـرح شعـور المبتـدي ويـروفـه
واللـي تمعّـن فـي كتـاب الكـافـي=عنوانـه البيّـن عـلـى مضـروفـه
والا كتـاب اخضـر مــن القـذافـي=حـرّف كتـاب الله بحـذف حـروفـه
واللـي تمـقـل قـصـة الاسكـافـي=عِبـره وعبـرت روحـه المخطوفـه
ماتصـرف العملـه بــلا صـرافـي=والابجـديـه دايـمــاً مكـسـوفـه
حديـت مرضـي ليـن قـال الخافـي=شـرح صواديـف الشعـر وظروفـه
صـــدى للشاعر سداح
علـى النقـا حـيّ الجـواب الشافـي=وأنتـه وأنــا وقفاتـنـا معـروفـه
وأن مـيّـزوا ميقـافـك وميقـافـي=المرجلـه مــن بينـنـا منصـوفـه
سلبتـنـي بأسلـوبـك الشـفـافـي=وكل ٍ علـى ذوقـه يسـوق شفوفـه
منـك وعليـك ولا علـيـك خـلافـي=كـم فـالحـدايـق وردة ٍ مقطـوفـه
دوبـك عليهـا والعـلـوم أصنـافـي=بينـي وبينـك هـرجـة ٍ محفـوفـه
يـا كثرهـا فـي عالـي المشـرافـي=بـيـارق ٍ مـركـوزه ومصـفـوفـه
لكـنّ لا تآقـف عـلـى المهيـافـي=الرجـل يحـفـظ هيبـتـه بوقـوفـه
أبطـيـت لا تسـعـى ولا تتطـافـي=وأحرمـت ميـر الرادفـه مـردوفـه
أن طعتنـي لا تقـصـف الأهـدافـي=أحفـظ سلاحـك كلـهـا مقصـوفـه
نمشـي بـهـا قــداّم وألاّ خـلافـي=فرقـه وطرقـه ماهـي أبمخلـوفـه !
ونصيـح مـع صـفّـارة الإسعـافـي=وكـل ٍ تصفّـق للصـويـب كفـوفـه
البهرجـه فــي سلمـنـا تنعـافـي=والدحـرجـه .. للعـالـم الملقـوفـه
خـل الهوايـش فـالمـراح الـدافـي=وأجمـع حـروف الكلمـه المحذوفـه
تبّـت يـديـن الخـاتـل الحـوّافـي=وجهـه قبيـح .. ولحيتـه منتـوفـه
ومـدام راسـك سـالـم ومتعـافـي=اللي غـدا لـك مـا عليـه حسوفـه
هذه محاورة بين شاعرنا والشاعر عواض بن عبدالرحمن الشهيب
الشاعرعواض الشهيب
ياسلامي سلامِ فيه برق وسحايـب=وابله من على لندن ليا ارض الكنانه
سلة السيف بيميني واحث الركايـب=علموا مشعل القشعان يسرج حصانه
الشاعركديميس السيحاني
مرحبا بالخيـال ومرحبـا بالنجايـب=لي مع الناس قدر ولي معاهـم ميانـه
مشعل إن غاب انوب بدين والا طلايب=هات علمك وسيف العز يفرض كيانـه
الشاعرعواض الشهيب
مايعقل العلوم ان طولت غير شايب=يدحم الضلع بجنوبه ويقعد مكانـه
ياكديميس شبت في العباد الحرايب=مر مدفع يثور ومـرةِ طرطعانـه
الشاعركديميس السيحاني
يدحم الضلع بجنوبه ولا هوب عايـب=يامنادي على اهل الحرب واهل الخيانه
نصف قرن وزيادة كل الأمه شبايـب=بس في قوم يعـرب ثابتـه كهرمانـه
الشاعرعواض الشهيب
مافتشت القبور ولا قلعت النصايـب=محتزي واتحاشا المعمـة واللعانـه
وانت مالك وطن بين الاهل والقرايب=شد جايك صلاح الدين مدري زمانه
الشاعركديميس السيحاني
حلمكم حلم والدعوى حروب و مصايب=راح وقته صلاح وجاك بوش وضمانه
الوطن غصب عنكم حرب والا نهايب=عندكم شجب واستنكـار ياليـل دانـه
الشاعرعواض الشهيب
كيف تجهل كلام الله . عجب ياعجايب=وانامسلم قوي ايمـان قلـب وديانـه
احمر الوجه تال الوقت يطلع غصايب=ماعرفنا عن الحمران غيـر الجبانـه
الشاعركديميس السيحاني
ليت عواض يوم اسلم يسوق الجلايب=الله اللي ذكر ماقلت لك فـي بيانـه
تدّعون الديانه قول والفعـل غايـب=عاينوا وش يسوي يعربي في خوانه
الشاعرعواض الشهيب
انتم اهل الدسايس خايب يدف خايب=واخرتكـم بعـون الله ذل ومهانـه
شرذمه عندنا منكم تسوي نشايـب=ياخباث الطبوع اهل الغنج والليانـه
الشاعركديميس السيحاني
الكراسي بيدنا عارفيـن الحبايـب=لاتزومون يا اهل الزوم مابه حَصَانه
صب هذا على هذا وشب اللهايـب=الخيانه من الاعراب عانـه وعانـه
محاورة شاعرنا مع الشاعر عبدالمحسن الحارثي
الشاعرعبدالمحسن الحارثي
يا كديميس لاجات الازوم...........احتزم ثم خلـك قدهـا
ارق مثل الذيابه فالرجوم.........اترك القوم والا ضدهـا
الشاعر كديميس السيحاني
وفّر الهرج و اسمع لا تـزوم........ابك انا ابو اللـزوم وجدّهـا
وارفع النفس عن بعض العلوم.......وغلطة الحارثي مـا اعدهـا
الشاعر الحارثي
السلع غاليه حذرى تسـوم......كان تاجر فلوسـك عدهـا
حارثي حر من فوقك يحوم.......بـد ضيقتـك بالله بدهـا
الشاعر كديميس السيحاني
انت يا حر تجهل بالسلوم......و السلع عارفين بسدهـا
طيعني رح لهلك ولا تعوم.......في بحورٍ تلاطـم مدهـا
الشاعر الحارثي
ماجهلنا مذاهيب القـروم.......نسل قومٍ خسر من حدها
اسبح بحور ورقى للنجوم.......يوم يمناك شحت مدهـا
الشاعر كديميس السيحاني
نعم بالقوم يالورع الظلـوم.......طبلوا لـك بهـزل وجدهـا
وش تبا يوم ناديت الخصوم.......وكل كلمـة عليـك نردهـا
الشاعر عبدالمحسن الحارثي
ورع راعك ولبسـك الهـدوم.............يـوم عينـك قصيـرٍ لـدهـا
كم عطيناك من شوت و الهجوم........كل هجمـه عجـزة تصدهـا
الشاعر كديميس السيحاني
أنت شاعر شبابـة والبقـوم............عشّ حجـاج مصـر وغدّهـا
ما ابتلا الناس غير اهل الحلوم........بـان فـرخ الحـرار وهدهـا
تمنياتي للجميع التوفيق
أخوكم..أبو مرحبا