أسرة المهارسه من الشدادين
والد المهارسه هو مهرس بن فواز بن قطيم بن ملفي بن مفلح الشدادي
وأنجب من الأبناء ثلاثة هم: باتل بن مهرس - سحمان بن مهرس - مسيّب بن مهرس
ويقول فيهم الشاعر الحربي عندما أكرموه:
يا اهل الركاب اللي تعاجوا من الظماء
في لاهب الجـوزاء وغـادي ٍ دليلهـا
أنا لقيت الطيب في نـزل (( باتـل))
و((سحمان)) و((مسيّب)) مزابن دخيلها
قوم ٍ على الجودات فزعـة وجزعـة
ودون العشايـر مـا تطـاوع قبيلهـا
ومنهم /
الأمير الفارس فاهد بن باتل بن مهرس والملقب(( شوكان)) رحمه الله قالت إحدى شاعرات الشدادين فيه:
وا أميرنا محتمي القطعان
مروي مزاريق الرمـاح
السود مني على الجذعان
ما ريّعوا له يـوم طـاح
خيالـة ٍ يجتلهـم خيّـال
أدعوا عساهـم بالبيـاح
ومنهم /
- الأمير الفارس مبارك بن باتل بن مهرس المشهور بـ(( أبو سعد)) والملقب (( غبقان مطوّي السقيان)) وكذلك (( غيمان)) قالت فيه احد الشاعرات عندما وقعت في مشكله
من يركب المامون وينحره عـن
ويلفي لابن مهرس زبون الونيـه
اللي يرحب بالنضاء يـوم يلفـن
أبو سعـد يـا حامـي الدوبليـه
تلقى الشحم عنده مع الهيل والبـن
وله دلـة ٍ للنـار دايـم صليـه
وان ثار عج الخيل في معتلجهـن
صفراه يوردها حيـاض المنيـه
ويضرب بحد السيف يوم ايتلاقـن
وياما ثنى مـن دون راع الرديـه
يا أبو سعد تكفى دموعـي يهلـن
وأرب ألاقـي عندكـم مفزعيـه
وا حمس حالي يالشلي حمسة البن
ماهوب حزن مهاوي ٍ في هويـه
وبعد أن حل مشكلتها قال هذه الأحديه
يا سابقي يوم الزحوم
نرخي لها حبل الرسن
وعمارنا للـي يسـوم
وقت الحرايب والفتن
ينخانا المجمول ونقوم
ونرد حلـوات اللبـن
عاداتنا نقضي اللزوم
في شامها وألا اليمن
ومن ماقيل في من شعر
يقول الشيخ مقبول بن هريس الشلوي مخاطباً الأمير مبارك بن مهرس
يا أبو سعد سج الركايب يسيرن
وأليا غدا شي ٍ على الله بدالـه
نركب على هجن ٍ للأبعاد يدنن
أكوارها تصرخ صريخ المحاله
حريبنا لو هو بعيـد ٍ شكاهـن
في المال وألا في شفايا رجاله
فاتن ثلاث ليال والنجر مـا دن
البن باح ولا بقـى ألا دلالـه
يا أبو سعد سج الركايب يسيرن
وأليا غدا شي ٍ على الله بدالـه
نركب على هجن ٍ للأبعاد يدنن
أكوارها تصرخ صريخ المحاله
حريبنا لو هو بعيـد ٍ شكاهـن
في المال وألا في شفايا رجاله
فاتن ثلاث ليال والنجر مـا دن
البن باح ولا بقـى ألا دلالـه
ويقول فيه الشيخ سعد بن قطنان السبيعي بعد جواره مع الأمير مبارك بن مهرس وربعه:
وا جـاري اللـي كـل يــوم ٍ جـديـدي
ولا كثـر حسوفـه علـى فايـت ٍ فــات
راعـي دلال ٍ مـا شغلـهـا الزهـيـدي
ونجره لأهل عوص النضاء يرمي الأصوات
أبـو سعـد حـامـي عـقـاب البلـيـدي
زبـن القحـوم الجاذيـه فـي المـثـارات
خيـال شـول ٍ مـا يكفـكـف رديــدي
وأليا أعتزى مـن دونهـا راحـوا أشتـات
يـا ربعنـا شـوف الشـداديـن عـيـدي
وظعونهم لا أقفـت يجـي القلـب حسّـات
ويقول فيه الشاعر رفيع بن هريس الشدادي في معركة البهاره:
(( أبو سعد)) يبري كما يبري الذيب
شيـخ ٍ ليـا وعّـد يباريـه لابـه
صبيان قومي مثل سيل المناحيـب
ومن يعترض في نحر سيله غدابـه
من القصائد التي قيلت في الأمير عجير وربعه الشدادين وذوي حطاب
تقول أحد الشاعرات
أمسى الوطا كنه خلي ٍ من النـاس
غير القطيـن وعـد ورد القليبـي
يا زينهم فـوق المعاميـل جـلاس
الاد شــداد ٍ والاد الحطـيـبـي
ربع ٍ تحط الذيل مع فلغـة الـراس
ويقلطـون الـرز ويـا الحليـبـي
شدوا يبون ( عجير) قطاع الأرماس
وياما خذوا قطعان بـدو ٍ عزيبـي
وفي كرم الأمير عجير بن مهرس يقول الفارس ضيف الله الكعاري العطاوي العتيبي:
لااوقع نصيت عجير ماني بغادي
بيت ٍ كبير ومجلس ٍ فيه الأوقار
بأطرافهم تسمع لصوت المنادي
ويكثرّون الزاد لو ماش خطّـار
خيّال صفراً يوم تعطي السنادي
لا رفعن لأقطيّهن والملـح ثـار
ومن القصائد التي قيلت في الأمير عايض بن مهرس قصيدة مطلق بن معيوف الروم الشدادي:
ملفاه (( عايض)) والعيال المشاكيل
بالغاط والزلفـي مبانـي شراعـه
يلفالهم لفي الظوامي علـى البيـر
فـي حلـةٍ مبنـيـة ٍ للجمـاعـه
رجّالهم ماهوب يحسب التخاسيـر
في حلتـه دايـم يحـط البراعـه
ومنهم /
الأمير زياد والد المرحوم الشيخ فواز بن زياد الذي يقول في رثائه الشاعر عبدالله بن حديّد الشدادي رحمه الله:
اجروح قلبي قامت اليوم تـزداد
وكل مابرت جتها جروح ٍ جديده
ياكبدي اللي عافت الشرب والزاد
قامت تداهمهـا همـوم ٍ عديـده
مرحوم يا شيخ ٍ من الاد شـداد
لا والله اللـي راح منـا فقيـده
يعوضنا فيك الصبر يابـن زيـاد
وتعوضك الجنة هو اللي تريـده
ومن القصائد التي قيلت في الأمير شرار بن مهرس عندما أستلم الأمارة يقول الفارس ضفيدع بن جرار الشدادي:
وان سايلـك عنـا تـرانـا قبـايـل
في راي(( اخو فاحا )) بعيد المناطيس
يفرح بنا نشـر ٍ علـى القفـر مايـل
بمسلـبـات ٍ كنـهـن المحاسـيـس
كـم واحـد ٍ نرميـه للذيـب مايـل
ياكل وسـوره للنسـور المراويـس
ويقول الفارس دابان بن حمد الشدادي في الأمير شرار بن مهرس في أحداث التوحيد:
تغيب عين الشمس وإنا مـا نغيـب
والطير ابا الجنحان نرهي له عشاه
في راي ابن مهرس معشي كل ذيب
يامن به الخايف ويمشي فـي ذراه
ما غاب عنا غير من عاف النصيب
ذل ٍ مـن الهجـره تغـره بالحيـاه
ويقول الفارس دابان بن حمد الشدادي في الأمير شرار بن مهرس في أحداث التوحيد:
تغيب عين الشمس وإنا مـا نغيـب
والطير ابا الجنحان نرهي له عشاه
في راي ابن مهرس معشي كل ذيب
يامن به الخايف ويمشي فـي ذراه
ما غاب عنا غير من عاف النصيب
ذل ٍ مـن الهجـره تغـره بالحيـاه