تشرفت بلدة وادي عصيل بإجتماع اخوي بين ابناء الوبارة وبين الشيخ عيدان الطويل وبعض ابناء الطوال
وتشرفت بحضور هذا الاجتماع الذي اتمنى ان يتكرر في أكثر من مناسبة
وبعد الأجتماع ابدع الشاعر احمد بن راجح العصيمي بقصيدة مدح للشيخ عيدان احببت ان اوردها لكم
سلامي عليكم عد ما ناض برق خيال &&&&& وعداد الليال اللي تلالا كواكبها
تقدم لأمير عصيل شيخ وسيع البال &&&&& من اللابة اللي نفتخر في مناسبها
ونايف مع إخوانه كبار النفوس جزال &&&&& على الطيب والمعروف حثت ركايبها
وصلنا بعد جتنا عزيمة من الأبطال &&&&& قروم الرجال اللي كبار مراتبها
من الصيرمي عيدان شيخ كريم سبال &&&&& علينا العزيمة من أسبوعين نببها
كريم ليا جات اللوازم زهد بالمال &&&&& طبوعه يمد الطيبة ما تصاعبها
لسانه يرحب كل ما شافله رجال &&&&& من هجوسه اللي ما تغير مشاربها
كريم السجايا من شبابه على ذا الحال &&&&& جميع المكارم سامي في مراتبها
صخي يضيف بالمفاطيح عقب الفال &&&&& وقعدان حوليات يطعن ترايبها
وجته المكارم من مواريث جد وخال &&&&& رجال لهم في سلم المجد اطايبها
عيال العمومة نعم فيهم بدون جدال &&&&& يكل القلم لو جيت اعدد مناقبها
الاد العصيمي مالهم من خيار المال &&&&& وهقواتهم فالوقت ما احد يهمبها
رجال الفخر ربعي ليا الجال صك الجال &&&&& ودارت رحا الفتنة وشبت شبايبها
يطيرون للداعي ليا قال فيه قتال &&&&& ولا ينشدون الحرب وشهي سبايبها
كبار العزايم فالمواقف تقول جبال &&&&& ليا ما حضر بين الرياجيل غايبها
واختم بذكر الله عظيم الرجا المتعال &&&&& خلق للعباد الأرض وأجرا هبايبها
ذكر الرسول محمد مقسم الأنفال &&&&& طلب للشفاعة من وليه وفازبهاالشاعر
احمد بن راجح العصيمي