[ولدعساف]

ماشاء الله موضوع طيب .. وبيض الله وجه سهم العضيان ع الفكره :

زريب الجـذع " رداد البراء "

يقول بخيت العطاوي بعد محدار عتيبه لنجد :

عينت بن هادي عقب ليل الهوايل = زريب ساقه لين عداه الحصاه

ويقول الشيخ / تركي بن حميد عندما قُتل أخيه علوش وكان هو بالحج ولم يكون زريب وجماعته الجذعان حاضرين تلك المعركه :

لا واحسوفي يازريب وربعه = ياليتهم يوم اللقاء حاضرينها
راعِ حصانٍ بالمعارك مجرب = وشلفاً يوردها ويروي سنينها

حبـاب بن زريبه " خـيال العبيه "

يقول شليويح العطاوي في قصيدته الموسومه قصيدة " طلال " :

ليت أبو غالب يشوف فعولنا = في نهارٍ جات الدعاوي حماوي

ويقول بن رشيد :

ماعن النساء كرامه الي جابن حباب بن زريبه

غالب بن زريبه :

الذي أسر الدويش في أحد معارك الجذعان مع المطران .. ويقول أحد فرسان مطير واصفاً حاله بعد الهزيمه :

لاوالله اللي باد شرك نعالي=وانا مع العبله وراء عكليه
خذوا ركايبنا محتمين التالي=عقب طمعنا مشينا رجليه
ليا سلم حام الثبار التالي=واركابنا وسلاحنا عاريه

حمدان بن كهف " راع الجاهله " :

يقول حمدان بن كهف بعد معركة الجذعان مع بن رشيد الشمري وكانت قيادة الجذعان لحمدان .. سأتيكم بأبيات نظراً لطول القصيده :

لكن دمونا كما دمت السيل=سيل المضيق اللى يدم الزبارا
ردوا علينا عقب ماهم مجافيل=جونـا وجيـنا فوق قب المـــهارا
ودرنا على شمر بحدب المصاقيل=نذبح من الجوخ الحمر وانتبارا
تنشد السندي حياتة بعد ويل=راحـت عظامـة مثل نثر الدمارا

الفارس مجري بن قطران " راع العليا " ... هو الذي أخذ ثأر الأمير / جدي بن زريبه بقتله دواس الحربي ..

يقول سهل الكسر المرشدي :

يافاطري هجي هجيج مجري=قرمٍ على وسق النضا مانامي
قرمٍ على طرح العشاء مضري=عشاء جعار الدمخ بالخدامي
ياما انقطع في جرته من مري=وصل الحدود وجوه من قدامي

هذا ماحضرني والا فرسان الجذعان كٌثر .. دمتم بود !!

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها