الشهراني=
يا بو مطر يا بو مطر شمس الحقيقه ما تغيب=لو كان غطّتها السحب لابـد يطلـع نورهـا
اللي مضرّى طال عمرك بالعصير و بالحليب=ما ظنّتي يصبر على غدر الليـال و جورهـا
سعد العصيمي=
الشمس في عرض السماء وتشوفها وسط القليب=سقطلهـا ولا تطيـر اليـا بغيـت تـزورهـا؟
قدم الشوامخ لو معك قوة بعيـر وقلـب ذيـب=تـدور وانتـه فـي محلـك ماقـدرت تدورهـا
الشهراني=
ليت المريض يطبّق الوصفه على علم الطبيب=من شان تسلم عينه اليمنى و يشفى عورهـا
قوة بعير و قلب ذيب و عين حق و راس طيب=يا راعي الفله نصيحـه عـزّ مبنـى سورهـا
سعد العصيمي=
كل العرب عرفت سبايب حرب جسايس وكليب=واحد ثقة والثاني يغـدر العـرب بظهورهـا
وان عودت قوة وفتل عضود فاليوم العصيـب=يهون عنتر عبس مار المشكلة فـي ثورهـا
الشهراني=
ما عاد باقي غير تخرج يا سعد ( فيديو كليب )=و اتكب عنْك الوسوسه بايّامهـا و اشهورهـا
ضحّكتني يا بو مطر يا جعل دقنك مـا يشيـب=من عقدةٍ سحّارهـا منهـا غـدا مسحورهـا
سعد العصيمي=
حث القدم فوق الجبل وانزل على بطن الشعيب=ولا تفكر فـي دروب العاصمـة وجسورهـا
الزور فالناقة سـلاح يميـزة عقـل اللبيـب=وانته تحسب الدايرة قرشٍٍ نشب في زورهـا
الشهراني=
الذيب له شهرين فالمرقاب يصوي بالقنيب=من سبّته صارت بطون الذود مثل اظهورها
ان كان غرّك ما كسبته من حرام اليانَصيب=لابد ما دنياك تكشف وش خفـا مغرورهـا
سعد العصيمي=
للذيب فيه بوارديٍ ذيب مايخطى الضريـب=في عينه تشوف النصايب فوق غبر قبورها
مااودع المرجان والياقوت مع مفتوق جيب=الناس لو تظمن خسارتها تضيق صدورهـا
الله الله
عليكم ايها المبدعين
محاورة فايف استاااار
الشهراني صح لساااانك
وابو مليوون صح لساااانك
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|