ناصر الجلاه
علي فلاح الثعلي اللي لا يكل ولايهاب = لوكان يطى ناب داب الضلع ماكف قدمه !!
نبى نسوي لك هنا تكريم من روس الحراب =حتى جنوبك تدحم جنوب القسا وتصادمه !!
علي فلاح العضياني
لا تسري مع الليل يا ناصر و تاكلك الذياب= الذيب و الله ما تجي له نصّ لقمه في فمه !!!
ما همّنا علمك هذاه و لا حسبنا له حساب=لو يالعصيمي معك فالماقف ثلاثين عصمه !!!
ناصر الجلاه
خلك علامه واضحه ياللي تحديت الصعاب= عز الله إنك يالعضياني رساله مبهمه !!
بغيت اوصفلك طريقٍ مختصر قبل الذهاب=ياللي كلامك مافهمه مدري سكوتك مكرمه !!
علي فلاح العضياني
يالطالب إستاذك يبا يقرا عليك من الكتاب=و إليا غلبك النوم درس المدرسه ما تفهمه
معروف أبو زيد الهلالي مثل إبن غانم ذياب=فيه إسم يكتب بالقلم و آخر براس المرسمه
ناصر الجلاه
هذا انت دايم ياعلي مشغوف في صقل النصاب=اللي تشيله في يدينك فالملاقا دسمه !!
غرور نفسك لايلقيقك المصاعب والعذاب = الحلم غير الواقع اللي ما أنت قادر ترسمه !!
علي فلاح العضياني
الله يعزّ اللي يعزّه من عزيزين الجناب=كتبت لك مكتوب و أنته يالعصيمي ترجمه !!!
يا صاحبي كلمتك هذي مخطيه ما هي صواب=انا معي صكً مصدّق من قضاة المحكمه !!!
ناصر الجلاه
ايدينك تخم الضباب وعينك تطرد سراب = شيٍ تحاول تدركه شيٍ تحاول تلزمه !!
ماني براعي مخطيه فتش وتلقى فالزهاب = يمكن تحصلك سمن للعيش حتى تيدمه !!