سلام تسليم الوفى والطيبه بين الرجال = تبقى على مر اليال ولا تغير حالها
ويامرحبا باللي حضر في حفل شغموم العيال = عد المزون اللي على الحره هطل همالها
وعد البروق اللي تكاشح نورها وسط الخيال = ومطر وسَيل دارنا من جالها لجالها
على الشحم والهيل والمسمار من فوح الدلال = في حلت أثبيت الكرم في صحونها ودلالها
ألاد روق اللي على البيدا كما صم الجبال = في الديرة اللي عزها رب الملا بجباله
ربعٍ لياكبرت وطال الهرج والعيال عال = يرجعون العيله الغبرى على عيالها
تروح مرواح الهوى ماهزَت أعظود الجمال = اللي ليا كبرت حمايلها تشيل أحمالها
يبلشبها اللي في المواقف لاعمام ولا خوال = يهوزها يشتالها يبلشبها ماشالها
الهرج مايذهب سدى والفعال من ماض الليال = والنار من شبابها والخيال من خيالها
أشهودها منها وفيها ماعلى هذي جدال = أنشد وتتلقى دقاق أعلومهم وجلالها
في حفل راع الطيبه والأوله في كل حال = أقولها لون أبو محمد سمعته قالها
وأنا ولد عالي ليا جالي مع ربعي مجال = أفرح وشرف وتشرف والعلوم أصحالها
يومن غيري ياخذ الألفين ماخذت الريال = عند الرجال ولا طمعت أجنيهها وريالها
أليا زهمني صاحبي مشعل ونادى ياطلال = طوحتله من طيب راسي غترتي وعقالها
والطيب وهبة غافر أذنوب الأوادم ذو الجلال = ماهوب سلعة سوق سومتها على دلالها
ربعي مطوعت الصَعب في سلم ولا في قتال = قومٍ على القوم القطوعه ماتهاب أقتالها
كسابة الطاله ذوي عالي كريمين السَبال = أمرجعين البل بعد وخذت على وبالها
يومنها بالمارتين وزرق رمح وشين فال = وحدب السيوف وكل شاة أمعلقه بحبالها
مبروك يامحمد هذا فالك ويقفاه العقال = الله كتبلك فالها وأنته لزمت اعقالها

المشاركة الأصلية كتبت بواسطة مرزوق حمدان العتيبي (المشاركة 937138) .. والله ومليون نعم بالاد روق ... ... صح لسانكـــ ياطلال قلت واجزلت انشهد انكــ كفو ..... ....

المشاركة الأصلية كتبت بواسطة محمد بن رشيد (المشاركة 937149) الله الله الله صح لسااااانكـ . ياطلال وبيض الله وجهكـ ونعم بك وبراعي المناسبه تقبل اعجابي

المشاركة الأصلية كتبت بواسطة عبدالله الجـــذع (المشاركة 937392) وأنا ولد عالي ليا جالي مـع ربعـي مجـال أفرح وشرف وتشرف والعلـوم أصحالهـا يومن غيري ياخذ الألفين ماخـذت الريـال عند الرجال ولا طمعـت أجنيههـا وريالهـا أليا زهمني صاحبي مشعل ونـادى ياطـلال طوحتله من طيب راسي غترتـي وعقالهـا والطيب وهبة غافر أذنوب الأوادم ذو الجلال ماهوب سلعة سوق سومتها علـى دلالهـا الله الله الله الله ابو ناشيء صح لسانك على هالملحمه الترحيبيه الجزله مبدع بكل مافي هذه الكلمه من معنى ونعم فالممدوح وفالمادح يستاهلون كل خير محبك