أتمنى أن تنال أعجابكم , , ,

مطلق الثبيتي

ياسلام الله على اللـي مايخونـون الأمانـه=يسهرون الليل والعالم من الراحـه رقـودي
يعدلـون ويصدقـون ولايعرفـون الخيانـه=حاكمن شعب الكويت وحاكم الشعب السعودي

صياف الحربي

مرحبا بالمسلم اللي لـه قوانيـن وديانـه=وأنت جندي لخو مريم والفهد ذخر الفهودي
ياطويل العمر مايصلح شجيع بلا ذهانـه=واحدن ماله ذهانـه لايسـوق ولايقـودي

مطلق الثبيتي

الحريبي لو لقالـه واحـدن يقطـع لسانـه=ماتغزل في بنات الهند سمحـات الخـدودي
مادرى راشد محارب يوم يسرج في حصانه=كنه الفارس يبا يغزا النصـارى واليهـودي

صياف الحربي

ياعتيبه قولوا لمطلق يمرح فـي مكانـه=مايدافع عن بنات الهند ياغيـر الهنـودي
خل بن سرحان يقضي حاجته بأول زمانه=الشباب اليا أنهزم ماعاد للمسلم يعـودي

مطلق الثبيتي

أعجبك صوت المغني يوم دق الاسطوانـه=مار لاترقص عليها وأنت قرد من القرودي
أنت لو أنك صغير ذقت مس الخيزرانـه=مار شفتك عود مابك فود جعلك ماتعـودي

صياف الحربي

والله اني لمسك احلوق العرب كيـد ولعانـه=والرصاصه من حزامي والشراره من زنودي
وأنت عينك يالثبيتي مثـل لـون البرتقانـه=مثلها هاك السنه صفرا ماتنقـص ماتـزودي

مطلق الثبيتي

لايغرك واحدن خـداع لـو أبـدى ثمانـه=الرماح أطول رموشه والصواريخ النفودي
وأنت حربي من رجالن مايعرفون الرطانه=مار لاترطن ولو حطوك من تحت اللحودي

صياف الحربي

أنت ذيب ولك سنون ولك تحت بطنك بطانه=ماتعشا من كبار الروس يالذيب الرقـودي
الحروب أخذوا فلان وسلموه أمـه فلانـه=اسمع الكلمه ولاتجحد ترى عندي شهـودي

مطلق الثبيتي

واحدن قلبك يحبه ماتفق شاني وشانـه=والغنيمه دسها تحت العبـاه أم اللبـودي
الثبيتي في مكانه ماتحرك عـن مكانـه=وأنت نارن طالعن دخانها من كل عودي

صياف الحربي

يصبح الصبح وتبين الشمس وتطير السمانه=وانت طيرن مانبتلك ريش والوقت محدودي

رحم الله الشاعرين وسلامتكم , , ,