الهيـــــــــــــلا *** منتدى قبيلة عتيبة
صفحة 1 من 3 1 23
عرض 40 مشاركات من هذا الموضوع لكل صفحة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   فرسان وأمراء (http://www.otaibah.net/m/forumdisplay.php?f=50)
-   -   فيحان بن ثمر الرقاص (http://www.otaibah.net/m/showthread.php?t=9976)

فارس برقا 01-Sep-2004 12:09 PM
فيحان بن ثمر الرقاص
 
فيحان بن ثمر الرقاص من أمراء الحفاه فارس وشاعر
يقول

يالجتي لجلاج ذيب عوويا = يوعي النيام اللي هواجيع بعواه
يقنب ليا من العباد أهجعويا = لجت طلوعه وازرق الجوع قزاه
هيض علي هاجسي في الخلويا = هاجس بعد هوجست به قلت الاواه
بنيت بيتا من البيوت الهوويا = بيت طويل ولا اعمس البال مبناه
واليا ان قلب الود فيه السحويا = يدري الذنوب وبيح الله خفاياه
ياراكب اللي يقطعن الدهويا = ستين عد احسابهم ماغويناه
املاط مابردوفهن اردفويا = والكل منهن تسعة اشهر معفاه
يمشون بالاثنين يوم اسرحويا = والحول هو ميعادهم بالموافاه
اهل اربع يم الحوم سندويا = يوم الحرم كل من الناس ينصاه
ويودعونه كان هم مالقويا = ويطق لي بالتيل ويشوف رداه
والقصيده اطول من ذالك

ويقول فيحان وقد كسرت رجله في احدى المعارك سنة 1330هـ فنقل ( الشعراء ) كسيرا , وفيها جبرت رجله واقام فيها فتره طويله
حتى برئت رجله , وقد احتفى به اهل الشعراء واكرموه مدة اقامته فيها ضيفا على اميرهم ابن مسعود

يقول الحافي مولع ومولاع = لاعه من الدنيا تعوس وغرابيل
منه اليقين وخزنة القلب تنلاع = كما يلوع الشعف لدن السنابيل
ومصونعه من ضيفة الصدر صوناع = صوناع قيل وقال من يبدع القيل
ياراكب اربع ربع من عقب مرباع = اربع سنين مربعات وهن حيل
عوص عصا ومع العصا عوص واطواع = شعل شمعليات حيل مراميل
فج مناكبهن عن حس الاكواع = يعرج بهن اليا عطن الدواهيل

والقصيده اطول من ذالك

ويقول الرقاص

راكب اللي طيره لفح السفايف = رفض للتكريب وان حرك خفيفي
سرحة من دار مكرمة الضعايف = دار ابن مسعود هو ويا العريفي
نحره خشم الفريدة بالوصايف = وان غويت الدرب عد اصفر عفيفي
قلت كتبلك وحدٍ دمعه ذرايف = من صلايب جدكم ماهو حليفي
قل تراه ما يبات من الحسايف = وده أبكم لو أقشركم يضي

وكان فيحان الرقاص مع الامير عبدالله بن جلوي وكان الامير قد سجن رجل مري اسمه
جارالله المري فقام المري ونخا الرقاص فأطلقه وعندما علم ابن جلوي سجن الرقاص عقابا
على اطلاقه للمري فقال الرقاص:

ياهيه يالمجهول ياللي تحط خضاب = ابحني وابيحك تالي العمر قد ريسي
رماني عديم الراي في ماقع الانشاب = ومن عبرتي بكيت كل المحابيسي

وبعد مده اطلقه ابن جلوي وامر له بناقه ليرحل الى ربعه وهو في الطريق هذه القصيده
المشهوره يقول الرقاص

وأهني من زرفلت به بكرةً حره = معطن مزاليج والا معطن الجودي
وأقفى عن الهاجري وأقفى عن المره = لو ما جا من الاجواد منقودي
ربعي عتيبه من العارض ليا الحره = سقم المعادي ليا جاء العلم مردودي
والعلم الآخر اليا عقبوا على الجره = والسبر جاهم من اللي قدم مطرودي
جاهم نهارٍ جباله منه محمره = ثم ثار عج الرمك وازداد بارودي
هذي طريحه تزر الدم وتثره = وهذي قلاعه والأخرى تصقل العودي
تجمعوا كل منهم كل حزبرّه= والشيخ ينخا هل العادات بفلودي
لعيون من حبنا واللي لحق شره = فعلٍ يداوي كبود ويجرح كبودي



وقيل توفى وهو في الطريق

نتمنى من الاخوه اللي عنده معلومات عن هالفارس يزودنا

ابن مشيب 11-Sep-2004 01:44 AM
ونعم بالشيخ فيحان الرقاص , اجدت في اختيار هذة الشخصية العظيمة.....

لاهنت يافارس برقا على جهودك الرائعة , ومواصلتك الحثيثة لأخراج الكثير من موروث عتيبة التاريخي........



تحياتي.........

الروقي احمد 07-Nov-2004 01:11 PM
رحم الله ذلك الفارس ، الشيخ فيحان اجتمعت له عدة خصال جعلت منه نموذج للفارس الشاعر النبيل تسلم اخوي فارس برقا

((الدلبحي)) 08-Nov-2004 10:12 PM
فارس برقا
تسلم يمناك اختيار موفق الشيخ فيحان الرقاص ونعم وانت كذلك
لاهنت يالطيب

الحافي الروقي 26-Nov-2004 11:09 PM
السلام عليكم فارس برقا
اذا كنت تسال عن وفاة الشيخ فيحان الرقاص
فهو صحيح ما ذكرت

ولك خلص شكري وتقديري

motlq 27-Nov-2004 02:49 AM
هل لة ابناء

راعي الحيلا 15-Feb-2005 10:56 AM
ونعم بالشيخ فيحان الرقاص

لاهنت يافارس برقا على جهودك الرائعة


تحياتي....

البرهان 04-Apr-2005 01:12 PM
قصائد رائعه ، يعطيك العافيه اخوي فارس برقا

مروي العطاشا 09-Apr-2005 01:49 PM
ونعم بالشيخ فيحان الرقاص

لاهنت يافارس برقا على جهودك الرائعة


تحياتي....

أبو فيصل 09-Apr-2005 07:28 PM
والله و النعم بالشيخ فيحان

ويعطيك العافية أخوي على هالاختيار الرائع

لاهنت

تحياتي


الساعة الآن »10:07 AM.
صفحة 1 من 3 1 23
عرض 40 مشاركات من هذا الموضوع لكل صفحة

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd