سلام إمن الضمير اللي لصعبات العقد حلال=سواها جات بالمعروف وألا ألميسم الحامي
يا كثر الطيبين اللي عليهم يرهي الرجال=ولكن الرها مالت خلف في بعض الأيامي

هلا يامرحبا ترحيبتن تمشي على المنوال = على ماتشتهي ياصاحبي في الدرب قدامي
مع اهل الطيب راع الطيب ياسلمان له مدهال = ويابن ضيدان حذراء لاتغرك بعض الاوهامي

يدوم ألك البقا وادخل سباق الخيل يا خيال=لكن اصحا تخليها بدون اشداد واخطامي
نعرف الناس وانميّز من الطيب من البطال=نعرف الناس يا رجال شرقيهم مع الشامي

توكلنا على الله واطربيني ياهجوس البال = وانا في اللازمه ياصاحبي سجيت الاقدامي
اشوف الشجر يومي غصونه والجبال جبال = رست فوق البسيطه يوم هبت نود الانسامي

ترانا ما نحب ألا الجمال اللي تشيل أثقال = تراني للعجايب و الصعايب كارب إحزامي
نشوف اللي تشوفه والله اللي يعلم الأحوال = وأنا ماني زبون المنحرف عبّاد الأصنامي