والا ياللي تحسبون الرجال بكثرة الالقاب=ياكم من اسمٍ ياعرب ماهوب قدّ للقابه
ترى الموهوب مايحتاج له تلميع يالاصحاب=اله ميقاف في وقت اللوازم يحسب حسابه

ترى ربعك صغار السن واكثرهم بدون اشناب=يحبون الثنا لو كان ماهم له بكسابه
لقو مخزن كريم فاتحه ومبطل الابواب=وقامو يسربونه بين موانه ونهابه

انا ما اجامل المخطين لوكانوا من الاقراب=وكلمة حق تنطق مابها يامشرف طلابه
ترانا نعرف الصادق ترانا نعرف الكذاب=مادام مسيلمه ريس اكيد القوم كذابه

مقابيس الوغا تقبس ليا دندن لها الحراب=وانا ماشفت ابن عاقل قبس فالقوم مشهابه
ياليتك ماتخص تعم يامخاطب ذوو الالباب=قضيتنا قضية حرب والمطران وعتابه

تقوله مار انا اللي فالمواقف ياولد ماهاب=ياكم من واحدٍ وقت المواجه نقصر اشنابه
انا عميت ما خصيت لاتجهل بدون اسباب=لو الاسماء تخالف سيرة المنهاج تتشابه