ياسعود قرب جاي ثم دوك الأخبار=لن كان ماعندك علومٍ جديده
شاعر ولك في ساحة الشعر مشوار=خذ فيدي وهات العلوم المفيده

الله يكافي من صواديف الاقدار = هذا كلامٍ كل ساعة نعيدة
وش عاد عندك مع طويلين الاشبار = لاصار مالك صورة فالجريدة

ماتدري عن الغيب يالآمن الغار=عسى سنينك في حياتك مديده
لو الجرايد تكتب اليوم وش صار=لا صرت ما أوجع قوم وأنفع بديده

منته بلا نافع ولا انته بلا ضار = شاعر تغني من بيوت القصيدة
يامجري الذلان لاتقبس النار = وتحط من فوق الحديدة حديدة

والشعر له عند الأجاويد مقدار=لاتستهين بنازفه من وريده
له وقعٍ أقوى من صواريخ لأشرار=شعبٍ تنوس به وشعبٍ يبيده