الهيـــــــــــــلا *** منتدى قبيلة عتيبة

- شعراء قبيلة عتيبة (http://www.otaibah.net/m/forumdisplay.php?f=46)

- - مرثيه في شاعي العتيبي (http://www.otaibah.net/m/showthread.php?t=99180)

مرثيه في شاعي العتيبي

هذهـ قصيدهـ قيلت في شاعي غويزي العتيبي رحمة الله عليه

قتل في طريق الحرمين غدرا في صباح يوم الأحد

في 14/2/1428 هـ

مرحوم ياشاعي حميـد السجايـا
عسى جنان الخلد منـزل جنابـه
الوافي الصافي حسِيـن النوايـا
سمح القبـال الله يعطـر ترابـه
اقفت ركابه بين صبـح ومسايـا
والله عليمٍ من غدر فـي ركابـه
يبكونه اصحابـه وربـعٍ دنايـا
وإبنه وبيـتٍ ماقفـل قـط بابـه
وجاره ومسجد مدخله و الزوايـا
والصف الاول من بدايـة شبابـه
عزالله إنّـه ماوجـد لـه حلايـا
لو الاسامـي فالخلايـق تشابـه
مير العوض فابنه حفيض الوصايا
وصاه ابوه وسعد منهـو لجابـه
صالح وراعي بعد ابـوه الرعايـا
عسى الله يعينه ويجبـر مصابـه

الشاعر حسين الحارثي

الله يرحمه وصح الله اللسان الشاعر الحارثي

لكن ابسئل هو للحين ماتم القبض على المجرم رغم أن صوره انتشرت عن طريق الصرافــه ؟؟؟

الله يرحمه وصح لسان الحارثي

صح أبدانكم

وبصراحه للحين ماصار في موضوعه شي

الله يرحم الشيخ شاعي بن غويزي المغيري رحمه واسعه وأسكنه من فسيح جناته

أن شاء الله يعجل بالقبض على المجرم وياخذ جزاه في ظل هذه الدولة الرشيدة

الله يرحمه ويسكنه فسيح جناته وجميع موتى المسلمين ويرحم والدي ويوسع مدخله ويغسله بالماء والثلج والبرد وينقيه من الذنوب والخطايى كما ينقى الثوب الابيض من الدنس امين

الله يجزيكم الخير

والله يسعدكم يالغالين

الله يرحم الشاعر : شاعي غويزي العتيبي ويسكنه فسيح جناته

وصح لسان الشاعر : حسين الحارثي

ومشكور على النقل ولاهنت