يالمورقي قوم انشدك عن عقرب=لو راسها يبعد ذنبها يقرب
اتش ام زايد اكس تاكل تشرب=يضيع حق ما وراه مطالب

سرا الليل يا شعار شعار يا شعّار=ومن قال يا شعار معناه يزهمها
يا ملفي صفا دقني ودقنك عليه غبار=ومن لا يغبر لحيته ما يدسمها

ياللي تكون حاجة معدومه=مالك ومال العقرب المسمومه
لو تلدغ النايم صحا من نومه=ما ضاع حق من وراه مطالب

سرا الليل يا شعار في مركز الامار=ومن قام فالواجب علومه يقدمها
سوالفك هذي تودع العارفه يحتار=ولكن تاليها يغطي مقادمها

الاتش والزايد عليك مزوّر=والإم جي اكس ار غير مطور
الله يا دنيا شي ما يتصور=يضيع حق ما وراه مطالب

ترا الله هو اللي مرسل سيد الأبرار=وحاجة محلّلها وحاجه محرّمها
الأعمال بالنيّات جنة نعيم ونار=ولكن عسى ربك يزين خواتمها

... في حروف اللوحة=تدري بها لو انها مطروحة
الله يزين افكارك المفتوحة=ما ضاع حق من وراه مطالب

انا داري انك يابن شايق وراك اخبار=ولكن بقعا لا تدخلك في فمها
تبا نعيم وجنتين عليها انهار=تقدم مع ابطال تجوّز محازمها

الجمر يا مسكين لا تلعب به=ياللي من الحبة تسوي قبه
وانا اضرب القبة وترجع حبة=يضيع حق ما وراه مطالب

انا مسلم ومجنب سكة الكفار=مع اني اول كنت اضيّق مناسمها
ما اجاملك يا ملفي ترا ما عليك خيار=وبعض المزارع ما تورّد طماطها

ماني لا مسكين ولاني خايف=لكن من هرج تقوله عايف
اخر زمانك مالك الا الطايف=ما ضاع حق من وراه مطالب

ترا المسلمين يمين وانته غديت يسار=عيونك يابن شايق باصابعك لاطمها
سنونك تضاحك يابن شايق ودمك فار=انا اعرف مساؤ القوم واعرف مكارمها

انا اعرف الاحداث واللي صاير=وان رحت للطايف امرك زاير
ياليتهم جابوك وسط الحاير=يضيع حق ما وراه مطالب

انا رحت للطايف ازورك بسجن شهار=لو سكت ربعك كان والله ما اعلمها

كلهم شعار كبار


وانت لاتطول علينا

انا اكثر مايهمني في المحاورة شرارة البداية وهي في البيت الثاني لابن شايق:


ابن شايق هنا يريد ان يرمز لشيئ معين في الشطر الاول ولكنه في الشطر الثاني قضى عليه واستغله ملفي المورقي عندما قال:


ويقصد في الشطر الاول انك لم توصل ماتريد حسب المطلوب ولكن الشطر الثاني من البيت غطى بإيجابياته على الشطر الاول



اكتفي بوجهة نظري عن شرارة البداية بين ابن شايق والمورقي

يالربع واحد يزهم على ابو فايح

بدأت بلغز قوي من ابن شايق اعتقد ان ملفي استطاع حله او التخارج منه ان صح التعبير

ومع اللغز اعتقد ان ملفي انشغل بحل اللغز ولم ينتبه لبيت ابن شايق
سرا الليل يا شعار شعار يا شعّـار****ومن قال يا شعار معنـاه يزهمهـا

من هي التي يزهمها ؟؟

الشعار مذكر المفترض يقول (يزهمهم ) ولكن اعتقد انه اراد تمرير الكلمه ونجح في ذلك




في منتصف المحاوره جاء اللعب الكايف




ملفي يقول اذا اردت الشعر والمال (وشبهها بالجنه ) (ورغم عدم صحة التشبيه هذا ) عليك يابن شايق ان تقابل الفطاحله والابطال ويرمز هنا لمستور وحبيب وشعراء الطائف


تبـا نعيـم وجنتيـن عليهـا انهـار**تقدم مع ابطـال تجـوّز محازمهـا


هنا رد ابن شايق واتمنى ان يفهموه القحاطين جيدا لانه سيريحهم من مواضيع تطرح باستمرار
هنا ابن شايق يقول انه متجنب هؤلاء الشعراء رغم اني كنت اضيق عليهم انفاسهم

وهو اجابه لمن يسأل عن عدم مقابله حبيب ومستور لابن شايق !!!!
السبب كما قال ابن شايق انه متجنبهم ولا يريد مقابلتهم .
(ورغم عدم صحة تشيه ابن شايق لحبيب مستور بالكفار )

انا مسلـم ومجنـب سكـة الكفـار**مع اني اول كنت اضيّـق مناسمهـا
واستمر الطاروق في النقاش على هذا المعنى