هاض قلبي ضهر قبل امس يوم اذن نصيب=قال جاكم صايح ستر راسه في عصاه
ثم توضينا من الما على جال القليب=ثم صلينا جماعه وعجلنا الصلاه
يوم جتنا لنها بنت ما قد جت بصيب=كن حب انهودها فالنحر جمرة غضاه
قلنا ويش العلم يابنت والتبريج عيب=قالت ان المال يا لاد روق اقفي علاه
يوم جانا صايح البل وحنا نصتصيب=قصدنا قل الجماعه وكثر اللي وراه
والله انك تزهم الرجل بسمه ما يجيب=مغلقن درب النسم زرمة مثل الحصاه
ثم ركبنا كلنا فوق عجلات الهذيب=وحدتهن قد طلع قرحها وهي فتاه
زادهن الدر والقرص وغمور الرطيب=لان راحت وحدتهن تشادي للمهاه
ثم جا مفزاعهن سيرته وامره عجيب=يوم يا طن الدعث كنهنه مع صفاه
سبعة والكل منا على مثل القضيب=طاير من كف راعيه يطرد له قطاه
سبعة كم فرقوا من حبيب عن حبيب=سعد منهو لاذ فيهم يبي درب النجاه
جعل ذرعانن لحقنا عليها ما تعيب=الحذا فيهن ما وحده تشكي حفاه
يوم جيناهم اليا شيخهم رايه غضيب=مير خلينا الرمك بالحذا تاطا علاه
يوم قسمهم صليبين جينا هم صليب=جا يبا خيبة رجانا وخيبنا رجاه
ما درى انا فالملاقا عما عين الحريب=كل معلوقن نوشه نجذه من عراه
كم صبي طاح رايحت اعضامه حطيب=ما تثور المارت الا بعد تلمس قفاه
لين نطلان الجنايز غدا مثل الخشيب=مثل نطلان الخشب في براح ارض فلاه
ويا ذيابة كشب والخال وذياب الجرير=انحرن هكران عان الولايش في قداه
ثم عد الضلع يالذيب واشهر بالقنيب=لين ما في ضلم من ضبعة توح العواه
وكل من الجيش المذبح وغب من الغبيب=ومن وراه اجرا من المجحره يدعي اجراه
احمد الله يوم صار الفرج منا قريب=ثم لطمنا عيون العناتيت الطغاه
هجمة من عهد عالي وشباب وشبيب=من جنبها ما تلاها الصبي ساحب عصاه
هجمتن وخذت لبرقا من المفلا عزيب=طا مع فيها حريب رثعنا في شواه
يا هبيل الفلب حنا كفاية من يغيب=دون وبرات العشاير نرد حوض الوفاه
شيمة اللي يوم جا الوقت تعطينا الحليب=يوم لاذ الزاد مشروبنا تحت الرغاه
هي عدايلنا المقيمه اليابار الصحيب=يوم كل اصحيب كذب يبور بمن نصاه
والردي يالبيض عيفنه ان جاكن خطيب=امسح راس المهبا وجوزن من نماه
لو قضا الحاجات بالليل من خذته تخيب=حيث فرخ الكندره ما ينومس من غذاه
ويا وجيه الخير من يقبل الرخمه نسيب=كيف يرضا بارد العزم يبدع في نساه
وخاتمة قولي صلاتن على وجه الحبي=الرسول اللي عليه انزلة فرض الصلاه

المشاركة الأصلية كتبت بواسطة سلطان نايف العضياني (المشاركة 929793) صح لسان الحكره ولاهنت يابن صنهوت

المشاركة الأصلية كتبت بواسطة ولدعساف (المشاركة 929803) جـعـل ذرعـانـن لحقـنـا عليـهـا مـــا تـعـيـب الـحــذا فـيـهـن مـــا وحـــده تـشـكـي حـفــاه يـوم جيناهـم الـيـا شيخـهـم رايــه غضـيـب مـيـر خليـنـا الـرمـك بـالـحـذا تـاطــا عـــلاه يــوم قسمـهـم صليبـيـن جيـنـا هــم صلـيـب جـــا يـبــا خـيـبـة رجـانــا وخـيـبـنـا رجــــاه ابن صنهوت يعطيك العافيه والآد مرشد فعلهم مشهودٍ له

المشاركة الأصلية كتبت بواسطة صالح سالم (المشاركة 930155) بيض الله وجهك يابن صنهوت لكن هناك بيت ياليت تعدله لأنك كاتبه خطا وهو : ويا ذيابة كشب والخـال وذيـاب الجريـر كل الشكر والتقدير