ياقلبـي الملهـوف مافـاد نجـواك = هزيـت أركـان المدينـه بخوفـك
دع الصبـر لانـه زمانـك تحـداك = مثل الجبل لا مـن تحـدى وقوفـك
ياحلـم عمـري ماتحققـة رؤيـاك = صوره تجمعنـا بهـا فـي رفوفـك
تاه المصير ويحتضر مـن شظايـاك = ليه الجفـى تبنـي عليهـا حروفـك
يكفيـك أنـي لاتضايقـت بنصـاك = على كرم حسنك (تدافـق) ضيوفـك
مبذر غـلا والشـوق بيـح حنايـاك = ملجى العواطـف ومتبنّيـه جوفـك
اغار لمـن العـرب تتبـع أخطـاك = والله منهـو يلمحـك مـا يطوفـك
يابهجة الخاطر ترى العلـم يعنـاك = حبل الرجا حلـت عليهـا سيوفـك
انت الوحيـد الـي مخلـد بذكـراك = وانا الوحيد المنتهـي مـن شفوفـك
شفت الموادع مرتسم فـي محيـاك = عرفت بان الوقـت يامـر عزوفـك
مديت يمنى الـود ماشفـت يمنـاك = في ذمتي ماقـد جحـدة أمعروفـك
أنـا عطيتـك الوفـا والله أعطـاك = مظهـر يثيـر الناظريـن بكسوفـك
جفـت ينابيـع المحبـه بفـرقـاك = وانا عيوني ظاميـه فـي وصوفـك
لو كنـت بالقـى فالغناديـر حليـاك = ماكنت أعاني يالغضي من ظروفـك
من قبل أشوفك كنت عايـش بليـاك = ومن بعد شوفك صرت عايش لشوفك
أدخل على الله قول لي كيف ابنساك = وانا الجريح الـي أسرنـي طيوفـك
أسمع كلامي كان الاشـواق تنعـاك = وكان الاسى تحفـر لقبـره كفوفـك
ادعيلـك أن الله يغفـر خطـايـاك = وادعي لقلبي مـن بعدهـا يعوفـك

،,، مما راق لي ،,،


جفـت ينابيـع المحبـه بفـرقـاك
وانا عيوني ظاميـه فـي وصوفـك

روعه القصيده ،،


شكراا على هالجزاله ،،


ننتظر القادام منكـ والجديد ،،