مبروك يابن نخيش بعد المكرمة جاك الوسام= تستاهله وشلون نبغى نقول ماتستاهله
لكن ترى المسلم يميز بالحلال وبالحرام=الدين واضح مانخبر الدين فيه مجامله

الله الله

ياراع الجدعا لافض فوك

صح أللساااانك وأنا في صــــــفك



كلامك يستحق المتابعه

الله يبارك فالرجال اللي يردون الجهام=سعو لفعل الطيبه يالين جتهم شامله
حنا على سنة محمد كل يوم وكل عام=برّق عيونك زين كان انك تريد معامله

العام حاولت الصعيبه مار ردوك الكرام= واليوم جاتك من صحيب يواكلك وتواكله
هذي طموحاتك يا بن غازي وعداك الملام= واللي بعدها كان تبغاها تراها حاصله

العام ولا اليوم دايم مكسبي ذروة سنام=ياللي تدح وجاهلٍ بالعالم اللي واصله
طموحنا عالي ومعرفة الرجال اكبر مرام=ولاهمني تهديد منهو شاكلك وتشاكله

العام والا اليوم مالك لا شداد ولا مسام= لكن ياكثر الكراسي فوق متن الحافله
انت اغتنم ماجاك يامحمد ولاتزيد الكلام= ترى تجاربك القديمة كل ابوها فاشله