طير التهاني حام فالصدر و أقعاء = وقام يتوسع هاجس الشعر ويضيق
نوب أندبه وأقوله جتك بقعاء = ونوب استلذ بسطوته قمت طويق
حراً مخاليبه على كل صقعاء = لا سيحت دم الشرايين ماحيق
شلته على يمنىً من الطيب نقعاء = وفكيت مسباقه على فكت الريق
أزبن على ماكر صواريم بقعاء =و أرقد تحت ضل الجبال الشواهيق
نار ولبن ناقه وتمرٍ بصقعاء = ودله وهيل ومدخنة طيب وبريق
أما كرم حاتم وميثاق بقعاء = وإلا بلاش من الكرم والمواثيق

طير الثناء ياسعود من دار بقعاء=طار وتوجهلك على فكت الريـق
فقع من الخافق لك الطير فقعـاء=لولا سبوقه عن نوايـاه ماعيـق
وحلفت مايرجع علي كانه أقعـاء=من قبل مايرفع لك البيض بطويق
لايابعد من حط بالقلـب لقعـاء=ولد الذي ماينخي ساعة الضيـق
شرفتنا بحضورك اللـي تبقعـاء=ياشوق من عيت على كل عشيق
ومدحك لربعي زاد قدرك أبقعـاء=وزاد إعتبارك في قلوب المطاليق
ياعقب من لا رقََع الطيب رقعـاء=إمعزي اللي سوَق الطيب تسويق