ابيك العون يافايز واثرك الي يبيله عون = وانا الي في زمان (ن) فات احسبك خيرة اخواني
عسى الله يمهل لهمان حتى يعتدل فرعون = وفرعون المسمى ماملك من دون هماني

وانا من دون ربعي فالمواقف ماعلي اغبون = ولا حتى فوجه الضيف قد صكيت بيباني
ولكن احذر من ابليس وانا خابره ملعون = يبا يغويك وان زلت قدمك اتقوم تنخاني

اجل قلي علامك راضي لربعك حياة الهون = ولا تردع عدواً مشبعك زوراً وبهتاني
تحاول تذبح الجما ولا تقرب من ام قرون = وهذاي ماهي بسلماً لجدانك وجداني

اجل ماتدري ان الحرب خدعه والقتال افنون = ومن لا مات بالسيف الحدب .. مايعتبر جاني
نبا نصبر على ام اقرون وانكبرلها الماعون = على شان انتعشى من ظهرها تيسها الثاني

الله الله

يطول الوقت والي في ضميرك عنه مايدرون = رجالً يحسبون الهرج كله صدق من داني
تخليها يالين تصير تال الوقت دون سنون = وهاك الوقت ماتنفع لواجب ضيفك العاني

ترانا كل يوم انركب الجمره على الغليون = على وضح النقا في كل يوم ايموت نصراني
وحتى الداب الاسود كل من شافه عطاه الشون = ولاهو لاق ٍ غير العذاب اشكال والواني