جلوسك على مخمل ونومك على ديبـــــاج= وتهـايق لنا من فوق من برجك العاجـــي
وأنا راس مالي جمسٍ أبرق وكيس عــلاج= على فطرتي وغبــار الأيــام مكياجـــــي
على جمس أبرق طار صبغه وبان الصاج= ولا ذمه رفيق الدرب مع كل منهاجـــــي
صفــيره مع الخط الســوا كــنه المـيراج= تضــارس جنــوبه والهـوا فيه لجاجـي
أنا وين أسجه لين عن خـــاطري ينبــاج= همـوم الحيـاة وليلهــا الأبيض الداجــي
أعدل ذنب كــلبٍ ليــا قــلت ما يحــــتاج= يعود على روس الحجب فوق منعاجي
نشدت المنجم ويش برجي من الأبـــراج= أبا أشوف ذيل الكلب هو ماله علاجــي
طـلع برجـي العقرب وهي ذيلها منعــاج= ثلاث أطرقــات وسمـها فــيه دراجـــي
شكاوي ضاعت يالمعازيب في الأدراج= تحور وتدور وتنتهي داخـل أدراجـــي
حسيبي على اللي ردهــا عنك ياهــــداج= بعد ما نصيتك بـــاغي منك الأفراجــي
أبا نـايف اللي للمـواطن ذرى وســــراج= وعلى أموالنا ونفـوسنا درع وسياجــي