شكوى لعبدالله بن عون .......
 

شكوى لعبدالله بن عون .......
** هذه قصيدة للشاعر عبدالله بن عون و فيها يشكي من ضيق مر به و يضعه في قالب تراثي يصف بصدق عما يدور في اعماقه

يامل قلب يسج وفيه دولاجــــــــــــه

،،،،،،،،،،،،،من هاجس بالضمايرقام يدرجـــــــها

في معزل عن جميع الخلق وازعاجه

،،،،،،،،،،،،،ما اسمع من الناس لوتكثر لجـالجها

ماغير اهوجس تقول مضيع حـــــاجه

،،،،،،،،،،،،،آخذ واسند على روحي واهرجــــها

وادوج لوكان مارجلي بدواجــــــــــــه

،،،،،،،،،،،،،ادلّه النفس لين الله يفرجـــــــــــــها

يالله يالي بيدك الضيق وافراجــــــــه

،،،،،،،،،،،،،ياخالق الخلق ياقاضي حوايجـــــــها

تفرج لعين الذي أغفت بســــوهاجه

،،،،،،،،،،،،،تجهز عليها الطواري لين تزعجــــــها

بالصدر ضيقه ونوم العين هـــــملاجه

،،،،،،،،،،،،،عيني من العام والسهر متولـــــجها

نوب سهرها شديد ونب نهاجـــــــــه

،،،،،،،،،،،،،ومر تكن الدموع ومر تزعجـــــــــــــها

عليك ياللي بقلبي كن وهاجـــــــــه

،،،،،،،،،،،،،وهاج نار هوى الغربي يسارجـــــــها

أبو ثمان تشاد اللولو لعاجـــــــــــــــه

،،،،،،،،،،،،،كن البرد يوم يضحك في مفالـــــجها

ياروح روحي وجرح القلب واعلاجـــه

،،،،،،،،،،،،،الطف بحال عليك الهم ساهجــــــها

قلبي يناجيك بسلوب الهوى .. ناجه

،،،،،،،،،،،،،يشكي لك الحال داخلها وخارجـــها

اما التفت لي وتم الوصل بمواجـــــه

،،،،،،،،،،،،،والا بلا عشرة هذي نتايجـــــــــــــها

وش ينفعك من حنين القلب وخلاجه

،،،،،،،،،،،،،وجروحي اسبابها انت ولا تعالجـــها
0

أمـا التفــت له و أتم الوصــل بمواجــــــه****

**** و الى بــلا عـــــــشرة ٍ هـذي نتــايجهــــــــــا

وش ينفعــك من حـنين القلب و خـــــلاجـه****

**** و جروح ٍ أسبــابهــا انت و لا تعالـجـهـــــــــــا

صــح لسـانك و لســان إبن عــون و الله لا يهينك على هالمشاركه الرائعه

و هـــذا الإختيـــار الموفق,,,,,,,,........... :) :) :)

اخـوك / قـلـب الأســــــد

قصيدة
من افضل القصائد اللي مرت على مسمعي
صــح لسـانك و لســان إبن عــون و الله لا يهينك على هالمشاركه الرائعه