ماشفت يأبن سعيد غرو(ن) صدفناه = ولاظن يأبن الجود قدمي صدفته
غرون غريرن حلو يازين ممشاه = مشي المهار بزين مشيه وصفته
مشي الدلع والغنج وبالمشي ميلاه = مثل النخل لا قام تلعب أسعفته
عليه زين الجسم والرب أعطاه = زينن على زينه مدقق صخفته
لو أن عينه يوم أشوفه مغطاه = حتى مشوف العين يومن لقفته
شفت العيون وصابني سهم عيناه = امصوبن بالقلب ودمعي ذرفته
قلبي صويبن منه لكن خلاه = ايصارع اجروحه وأخذت وسعفته
وجيت الطبيب وقلت هالقلب تراه = جرحه صعيب دواه هلا كشفته
قال أنت علمني هذا القلب وش جاه = حتى يزين أدواي لامن صرفته
قلت البلا والويل عين الخونداه = الي برمش العين قلبي قصفته
قال أنت مالك عندنا من مدواه = لكن دواك اليوم قلت كلفته
وإن كان تسمعني وشوري وتبغاه= دور تراها علاج للي أحذفته
قلت آه وويلاه وأعيد ويلاه = وأقولها وأقول ودي عرفته
كنت أحسبني بالمصاديف أبلقاه = يوم الصدف العام جتبه وشفته
وأثر الصدف بالكيف ماهي مسواه = لونها بالكيف كيفي عسفته
راحت وقفت ولا عرف وين مرباه= وقفيت أنا والهم فوقي نسفته