شليويح المطيري شرب من شربة الذيب = وسافر في طريقه وخلاني لحالي
طوى حبل السواني على عرج العراقيب = ولا أدري متجه لليمن والا شمالي

أنا ماني بصيده لعكفان المخاليب = اعرفك يالشهر قبل لايبدي الهلالي
زمان العام شفناك كفيت المحاليب = كرامه لابو عنتر.. وابو زيد الهلالي

طلعت من اسفل الضلع في روس المراقيب = وحول بك نصيبك على مرقاب خالي
أنا صفيــــــــــتها يوم خبثن المشاريب = لكن انته تـــــــــطش العمامه والعقالي

اساير بعض الامه مابين الخبث والطيب = لكن أنته مع العدل يوم العدل مالي
يأكثر اصحابنا يوم جربت الاصاحيب = لكن الساس مبني على الجرف الهيالي

هبوبٍ شالت البيت مركوز الاطانيب = بعد كره تشيل الدقاق مع الجلالي
وصلت البحر الاحمر.. وحنيت المشاعيب = وبكره يصفي الماء لرعيان الحلالي

أنا حقي على اللي يعرفون المواجيب = ولا يعرف لزوم الرجال الا الرجالي
شربنا الجم الازرق وخلانا المغاريب = وأنا ماضاع لي صرف قرش ولاريالي

ركبنا بالسفينه وسوينا تجاريب = سحابٍ طاح ماله لابرق ولا خيالي
وباكثر المشاكل.. وياكثر العذاريب = ولن ذقناك ياشري مر والاانت حالي

المشاركة الأصلية كتبت بواسطة شبل مطير (المشاركة 921225) الله يعطيك العاااااااااااااافيه محاوره رائعه لكن مايوجد طوريق اخرى اطول في اليله التي جمعتهم في العمار لن عمي كان احد صفوف الملعبه وكانت الملعبه على مايقول عمي عند ابن جبرين امير بني عبدله وامير مركز العمار لاهنت لو تجيب لنا بعض الطوريق من هاكليله