مثل طويق في نجد راسي
 

قصيدة مدح في الشيخ: رفاع ضويحي البهيجي العتيبي

لشاعرها المعروف : نايف بن حديدالعتيبي

يابوفهد يامسنـدي طيـر حـوران
.........................................ياصامـل الهـدات ياتـاج راسـي

ياطيري اللي له مخالـب وجنحـان
.......................................واليا دعيتـه زال همـي وباسـي

موقفك يافـرز الوغـى ياكحيـلان
......................................مافيـه شـك ولاعليـه التباسـي

يوم ايتخلـى عنـي فـلان وفـلان
.....................................القاك مثل طويق في نجـد راسـي

وترى العرب لو هم بني عم واخوان
................................احدن ذهب والماس واحدن نحاسي

احدن لربعه ريح عنبـر وريحـان
................................واحدن لربعه مثل شوك الهراسـي

والمال لو خلا الهلايم لهـا شـان
...................................ورز ارذل الارذال فـوق الكراسـي

ترى الردي معروف لوكان من كان
....................................كاسيه من لبس الفشيلـه لباسـي

لا يامن الهرمـاس دورات الازمـان
.................................... لابـد للايـام مـيـل وعكـاسـي