انتهض قلبي وحوّل عن محله=شاف له شوفه ولاهي بأي شوفه
لا حضر طاريه تل القلب تله=رحت اميزكل حرف ٍ من حروفه
مير يافايز والا ياحظ ظله=لا مشى ظله يداقش مع وصوفه
يوم اشوف الناس وارجع له واطله=ودي ان الناس ماهي بمعروفه
وان بغيت اميزه دقه وجله=اعتزالك للغزل بانت ظروفه
وان بغيت اكتب عشانه بالمجله=راح عمري من بروفه في بروفه
يانديبي رح لبو مساعد وقله=الكلام يضيع يوم المس كفوفه
يامقهوي صب لي فنجال دله=يمكن الافكار تنسى ما تحوفه

مرحبا ياغاية الطيب ومحله=ذا عزيـّز جعل يخطنـّه حتوفه
حي مرسوله وياحياه كله=صار شوق البيض في قلبه يلوفه
العزيز الوقت مايقدر يذله=وانت من روس ٍ رفيعه وامعروفه
كان دربه تعرفه زين وتدله=الجبان يموت ما ينجيه خوفه
ابشر بسيف ٍ يسر القلب سله=ترضخ الصعبات مافيها كلوفه
الشجاعه عندنا طبع وجبله=لا انثنى عزمي ولا الرجل امعكوفه
لا بدا لازم رفيقي بيحصل له=ما رضخت لقسوة الوقت وظروفه
وكان خلـّك مرخص ٍ شوفتك خله=ما على المقفى ليا قفـّى حسوفه
وجد قلبي يالصغير اللي محله=اقرب لقلبي من عروقي بجوفه
ماتروف وريقي الناشف تبلـّه=يامعزب قلبي ويا اغلى ضيوفه
كامل ٍ في وصفه وفي زين دله=يعجز الوصاف ما يجزي وصوفه
شوق قلبي يبري الحال ويسله=بس امر البيت ولا اقدر اشوفه
بيت خلي ياعذولي كيف املـّه=بري حالي كل ما امرّه واطوفه
ياعذولي مايفيد العذل والله=شف عروق القلب بالقلب مخطوفه
يانديبي انص ابو وسيود وقله=المطيري شالت الحمله كتوفه
يالعتيبي مجمل الموضوع كله=الجبان يموت ما ينجيه خوفه

المشاركة الأصلية كتبت بواسطة فايز مساعد الهفتاء (المشاركة 920745) السلام عليكم ورحمة الله وبركاته ... كل عام وانتم بخير جميعا وعساكم انشاء الله من عواده ... وتقبل الله طاعاتكم وصيامكم وقيامكم ورزقكم شكره وحسن عبادته ... ارسل لي اخوي الشاعر : غزيـّز بن وسيود العتيبي هذه القصيده .. يقول عزيز .. انتهض قلبي وحوّل عن محله=شاف له شوفه ولاهي بأي شوفه لا حضر طاريه تل القلب تله=رحت اميزكل حرف ٍ من حروفه مير يافايز والا ياحظ ظله=لا مشى ظله يداقش مع وصوفه يوم اشوف الناس وارجع له واطله=ودي ان الناس ماهي بمعروفه وان بغيت اميزه دقه وجله=اعتزالك للغزل بانت ظروفه وان بغيت اكتب عشانه بالمجله=راح عمري من بروفه في بروفه يانديبي رح لبو مساعد وقله=الكلام يضيع يوم المس كفوفه يامقهوي صب لي فنجال دله=يمكن الافكار تنسى ما تحوفه ورديت عليه بالقصيده التاليه .. اقول فيها ... مرحبا ياغاية الطيب ومحله=ذا عزيـّز جعل يخطنـّه حتوفه حي مرسوله وياحياه كله=صار شوق البيض في قلبه يلوفه العزيز الوقت مايقدر يذله=وانت من روس ٍ رفيعه وامعروفه كان دربه تعرفه زين وتدله=الجبان يموت ما ينجيه خوفه ابشر بسيف ٍ يسر القلب سله=ترضخ الصعبات مافيها كلوفه الشجاعه عندنا طبع وجبله=لا انثنى عزمي ولا الرجل امعكوفه لا بدا لازم رفيقي بيحصل له=ما رضخت لقسوة الوقت وظروفه وكان خلـّك مرخص ٍ شوفتك خله=ما على المقفى ليا قفـّى حسوفه وجد قلبي يالصغير اللي محله=اقرب لقلبي من عروقي بجوفه ماتروف وريقي الناشف تبلـّه=يامعزب قلبي ويا اغلى ضيوفه كامل ٍ في وصفه وفي زين دله=يعجز الوصاف ما يجزي وصوفه شوق قلبي يبري الحال ويسله=بس امر البيت ولا اقدر اشوفه بيت خلي ياعذولي كيف املـّه=بري حالي كل ما امرّه واطوفه ياعذولي مايفيد العذل والله=شف عروق القلب بالقلب مخطوفه يانديبي انص ابو وسيود وقله=المطيري شالت الحمله كتوفه يالعتيبي مجمل الموضوع كله=الجبان يموت ما ينجيه خوفه وسلامتكم فايز مساعد الهفتاء المطيري

المشاركة الأصلية كتبت بواسطة عمر الدغيلبي (المشاركة 920767) وعليكم السلام ورحمة الله وبركاته وكل عام وانت طيب يا فايز وصح لسان عزيّز العتيبي وصح لسانك يا فايز وبيض الله وجيهكم مساجله رائعه تقاسمتم جزالتها و روعتها ننتظر جديدك احترامي

المشاركة الأصلية كتبت بواسطة أبو فيصل الدلبحي (المشاركة 922717) وعليكم السلام ورحمة الله وبركاته وانت بخير وصحه وسلامه صح لسان عزيز العتيبي ولسانك يافايز صوت وصدى جزل