ياموطني ارخص لك الروح والمال=من شان حبيلك كتبت الرساله
رسالة فيها التباريك تنهال=مثل الغشين اليا انهمل من خياله
يامنبع الاسلام موروث الاجيال=نمشي على درب الوفا والعداله
في ظل حكام الجزيره الابطال=اهل الكرم والطيب واهل الاصاله
ياموطني يفدونك رخوم وانذال=يفدونك ضغوف النفوس الحثاله
حب الوطن مزروع من يومنا اطفال=ماينزع ياكود تنزع جباله
حب مقسم مستوي بين الاشكال=شرقه وغربه والجنوب وشماله
الله يتم الخير في كل الاحوال=ويعز حكام الوطن مع رجاله
يدارنا دار التسامح والاجلال=دار المحبة والكرم والرساله
مبروك يادار الحرم دار الاشبال=من زودحبيلك كتيت الرسالة

المشاركة الأصلية كتبت بواسطة ابن سرحان الثبيتي (المشاركة 920115) عبدالرحمن بن حميد بيض الله وجهك وصح لسانك على هالقصيدة الطيبه

المشاركة الأصلية كتبت بواسطة عمر العتيبي (المشاركة 920770) عبدالرحمن صح لسانك مشاعر صادقه مليئه بالوفاء لا عدمنا حضورك احترامي