سلام رديّه على وضح النقا والعلم خير = و الشر بابه ما فتح و اليا فتح بنقفّله
اشوف لي نجمٍ هوا و اشوف لي طيرٍ يطير = واشوف لي عشرين ناقه بالحمول محمّله

يامرحبا ترحيبت ن فواحت ن مثل العبير=الضيف نفرح به ونكرم لحيته وندله
هات الخبر ياصاحبي والوضع شكل انه خطير=اما نقول اخطيت والا لك نقول مجمله

الك البقا يا شاعرٍ شعره على بحره غزير = نبغا نتحاور وتناقش وانت راع الاوله
دوله لها عشرين عام و حاكم الدوله ضرير = والمشكله فيها النجم و الطير فوق القافله

كل الدعاوي طيبه والحمل في ظهر البعير=شعيل يقوي للحمول اللي عليك مثقله
مافيه غير الكيس والمجرم له السيف الشطير=يالله عسانا سالمين ولايجينا مشكله

العلم غير اللي تظنّه و انت بالدعوى خبير = مالي ومال شعيل جعل شعيل تفرح به هله
انته عيونك للسما و انا عيوني للنذير = ارجع على الموضوع الاول و الخبر لا تجهله

الناس تحلم والعرب كلن وله حلم ن كبير= واللي قنع نري القناعه كنز لك يامجمله
اللي طلع يأكل تمر واللي جلس يشرب غدير=واللي يدور نكبته يمكن تجيه محوفله

يعني على شان اللقب تبغا تسوّي لي مدير = هوّن على روحك ترا بعض النصح ما نقبله
اللي كلا و اللي شرب كلٍ على حاله بصير = يا مخبل اللي يدّعي بالمعرفه يا مخبله