هلا يا مرحبا والعيد يالعمده عساه يعود = ابارك لك بعيد الفطر لو كثر(ن) الاعيادي
واذا قلبك خضر ومهاوي(ن) لام العيون السود = انا بذكرك واقول الك يا صاحبي غادي

لعلك للبقاء ويعود عيدك في رخاء وسهود=يبارك لك ولي العرش وقتك يابن الاجوادي
لو إنا ما ملكنا البينه كـان الوفـاء مجحود=من اللي مادرى عن حب عبلة لابن شدادي

زمانك فيه نقص وزود مير النقص فاق الزود = لنا مده ما شفنا برق نو ولاش رعادي
يعوضك ربنا في حبها في يومه الموعود = تموت ولا حصل لك ما تبي من غظ الانهادي

ابوليلى المهلهل لا غزا ليلة يجيب الفود=غنايم ما غنمها اللي مع الخليان سردادي
قبل تشهد على اصحاب الهوى عطنا ثمان شهود=على انك تحضر فروض الصلاة بمسجد الهادي

الله ياسلطان - الله يالعمده

مبدعين حضور مشرف يالعمده

بعد غياب طال إنتظاره

تحياااتي

هذا قدام لا يصبح طريق اهل النضاء مسدود = وكل اللي يبونه صار سد الضلع من غادي
انا صاحي لكن اغلب عباد الله تقول رقود = ولا يدرون وش فرق العسل عن سم الاكبادي

جبل من ثلج ساعة قيض وحدة تجعله مهدود=وكل اللي وراه يروح مكسب حاضر وبادي
حشمت وجيه ما ذريت فيها الملح والبارود=ولكن كنّها ملت من الريحان والكادي