مرحبا والجمل ياقف علي طوله=لوعليه الحمول اشكال والواني
يارفيع المنازل كمل الجوله=لين نعرف من المظلوم والجاني

البقا والنفوس القشر مجبوله = تنحدي للقشاره ثم تحداني
من طرفكم بيوت الناس مدخوله = لاغريبه تشوف الوضع خرباني

لاتزر الجكيت وتترك الغوله=راجع اقصا الامور وراجع الداني
انت لو تحسن النيات فالدوله=كان ماشفت الاول يكره الثاني

لو خزانة شحيح المد مقفوله = كان ماعبت مده يومه اعطاني
كل عقده من العربان محلوله = والمطيري ترى ماشانه بشاني

لاتحاسب علي اللي فات وشهوله=انت مسلم رحوم ومنت نصراني
لاتطبّل مع الشيطان بطبوله=ماهي ابسلّم جدانك وجداني

البلا في صديق ابليس وفعوله = كل مااصفي معه بالشر يبلاني
صاحبي من بعد مابانت دلوله = لايجي قدمنا في كل ميداني