يافيع المنزل اللي بينك وبينك علاقه=تقترب من ناحيه لكن تبعد من نواحي
المزاين قبل يبدى حدد الراعي نياقه=مار ليت الراعي الماخوذ ريح واستراحي

ياهلا بالشعر والمعنى وكل ٍ في نطاقه = والعلاقه خلها هلحين في ليحي ولاحي
المنافق يحسب انا مادرينا عن نفاقه = سرع مابين لنا الموضوع والمكنون باحي

بارك الله فيك يالصراف ميزت البطاقة= الطيور اتطير كود الطير مكسور الجناحي
ودي اهدي لك بعدها من جميل الورد باقة=انجلا الليل وظلامه واشرقت شمس الصباحي

وسط صدري قلب حي ونظرة عيوني دقاقه = لو ذياب الضلع تعوي بالعشي وبالرواحي
حط راسي ياعميلي من تحت موس الحلاقه = كان ماربح عطا المكسب لابن عمه رباحي

السنين الماضية وضع العرب فقر ٍ وفاقه= لين جيت وصرت للاصحاب دكتور الجراحي
راعي الطبخه طبخها ثم وكلها رفاقه= النجاح المختلق ياصحابنا ماهو نجاحي!!

ابك انا مااذم بيت ٍ يمنع السافي رواقه = بس منع المسلمين حقوقها ماهو مباحي
بارك الله فالذهب يرفع بقيمة كل عاقه = لين يصبح شيخ يفتي بالخراب وبالصلاحي