لفانا العيد ثم حل المعايد = و أنا ما بين همّي و النكايد
أجامل عزوتي وأضحك معاهم = وهمّي فالحشا بالحيل كايد
سبايب خلي اللي قل وصله = ولا أدري من فراقه ويش فايد
تركني دون سبه من تركني = و أنا بعده قصايد في قصايد
أجر الصوت مامخلوق يسمع = ونين ٍ منه هزيت الحدايد
يمر الليل حالي هو حالي = وهمّي من تزايد في تزايد
أنا ودي أبارك له و أهنّي = مثل باق الحبايب فالعوايد
أنا ودي أقدم له هديّه = و أعايد مثل ما غيري يعايد
ولكن صاحبي قاسي عليّه = وصبري طال ماشفت الفوايد
ألا يا راعي الصدّه تسمّع = و خذ مني إفادات و وكايد
ترى وياك فرصه لين باكر = تجي آسف قبل حل العقايد
وإذا ماطعت هرجي واستمعته = فمان الله ماني فيك رايد
عمر باعك معا ماضيك كله = وحط إعلان في كل الجرايد
يقول فنصه الخاين يخلا = و الا لا عاد حبن فيه سايد

المشاركة الأصلية كتبت بواسطة ّديب عروا (المشاركة 918566) ياسلام ياسلام صح السانك وسلم بنانك وعيدك مبارك

المشاركة الأصلية كتبت بواسطة مصخر العوج (المشاركة 918568) كل عام وانتم بخير وصحه وسلامه,,, وصح لسانك ولمعت كعادتك ولاهنت يالحصان,,, ,,,,,,,,,,,,,,,,,,,,,,,,,,,,,,,,,,,,,,,تقبل مروري

المشاركة الأصلية كتبت بواسطة سيف القثامي (المشاركة 918845) بسم الله الرحمن الرحيم اخوي عمر كل عام وانت بخير وجميع الاعضاء بالمنتدى والزوار الاكارم , صح اللسانك وبيض الله وجهك , ومن أرقي وأجمل الي الأفضل دوما , تحياتي