العيد آبه فرحة وتقوى ومظمون = أمر(ن) من الرحمن كل(ن) يجيبه
سار الركب يم المساجد يصلون = سنة رسول الله ما هي غريبة
صلة رحم كل الأقارب يزورن = وكل(ن) بفضل الرب يآصل قريبه
فيه العفو والصفح واهمه يقولون = عيد(ن) سعيد وكل مسلم دريبه
فيه التسامح و الأوادم يلبون = وبين العرب ما فيه نمه وغيبة
والناس من رب الملا دوم يرجون = رحمة عظيم الشأن منهم قريبة
الآمن والايمان من خالق الكون = في حكم أبو متعب شملنا بطيبه
املوكنا اللي بالمواقف يشافون = ومن ينكر المعروف ربك حسيبه
لجمع الشمل والعز والطيب يسعون = لكن ما يرضون غدر و غليبة
منهاجنا التوحيد و الناس يدرون = ما داخل(ن) فالقلب شكه و ريبة
و إختامها بالعيد فرحة و مظمون = امر(ن) من الرحمنا كل(ن) يجيبه