الهيـــــــــــــلا *** منتدى قبيلة عتيبة

تستفزيني وتطرين الفراق ..
وتحسبيني من فراقك بنكوي !

لاتظني البعد عنك مايطاق ..
قلبي لوتدرين وضعه مستوي

ملغي بقاموس حبي (اشتياق)..
من جروح الوصل يكفي مرتوي

وش يفيد الوصل من دون اتفاق..
وصفحة الايام تطوينا طوي ؟

ملت الأرواح من وضع الطلاق ..
في دروب الصمت كلن منزوي !

كنت اجامل لين ضيقتي الخناق ..
وصار طبعي الصد هاوي ومهتوي

يوم عيدي يوم اطلقت الوثاق ..
عايش بدنياي لو مالي خوي

صادق شعور
29-8-2009
8-9-1430

بوح المشاعر = صادق شعور