يالمرحبا ترحيبتن كنها نور القمر فوق=لابان نوره فوق صدر السماء والجو الهادي
الاعب الماهر مميز وله طابع وله ذوق=لوماخذاه المنتخب ضاع مابين النوادي

ابك البقا يا شاعرٍ جا يعلمني عن السوق = و السوق بابه لا يسكّر على روس العبادي
يقول الاول كل مطرود تال الوقت ملحوق = مالي و مال المنتخب دامها حر و برادي

غيرت قفل الباب والباب مفتاحه في صندوق=ودخلت في سوق البلد لابس ثياب(ن) جدادي
الخير قدامك ولو لا الرعد مالاحت بروق=والحر بسبوقه من الوبل من عقب الهدادي

المشاركة الأصلية كتبت بواسطة ّديب عروا (المشاركة 915378) الخير قدامك ولولا الرعد مالحت ابروق0000شطر عن ملعبه كامله صح السانك وسلم بنانك ولاهان اخوي الراي السديد

ودي انها تكون مباشره ولكن

على العموم صح لسانك يا الحووووت و الخير بوجودك

استلم

الباب مفتاحه معك غير قفل الباب مسروق = والسوق لولا سمعته ما فزعنا بالعتادي
الله يعين الحوت ما يدري ان الوضع مخنوق = و الاندلس تنخاك يا حوووت والّا بن زيادي

السوق لولا سمعته ماجلبنا الذود والنوق=فارق عن أسواق المخلايق في كل البلادي
أبشر بعلم(ن) يرفع الرأس كان الوضع موثوق=وأجيك مثل السيل لا سال من وادي في وداي