عد الحجيج الي تزاحم فالحرم في كل عام = يا مرحبا في حفلة السلي صبي المرجله
الليل يا غازي تفضل يالكريم ابن الكرام = يالشاعر الي مع رجال المعرفه مانجهله

عد العباد الي تجي وتروح مع باب السلام = دام البقا يالي لكم بين القبايل منزله
عندك كلام بخاطرك وانا بعد عندي كلام = خلال المعاني تنتظم مثل انتظام السلسله

اليوم ياغازي مع الاجواد تدعي بالسلام = والعام ماتدري وش سهوم الليالي المقبله
انا ليا مني بدعت القاف مافيها كلام = انته معي وانا معك على اتجاه البوصله

حنا عيون القافله والنور جلاي الظلام = اهم حاجة ماتبع الي ضايع" مستقبله
وش فيك تفطر يالعطاوي واكثر العالم صيام = الوقت مابه مرحمية وانت مافيك عجله

ياغازي انته شاعر بطيار فالساحه تمام = والحمل جاير ياولد ميمون لكن اشتله
ياصاحبي غازي ترا المامون في حكم اليمام = امقفله باقفالها وامسك طريق القافله