صياف الحربي يرحمه الله وشليويح بن شلاح المطيري
 

أقدم لكم محاورة قديمه جدا بين صياف الحربي يرحمه الله وشليويح بن شلاح تقريبا قبل 25 سنه وعلى ماسمعت أنها أقيمت في حفل أقامه محمد بن شلاح رحمه الله بمناسبة إنشاء طريق المدينه والله أعلم







صياف الحربي يرحمه الله :


ياشلـــــــيويح خــــــذ مني كلامن مصفا = وإن بغيــــت الحقــــــيقه فيه مايسر الله


كشـــفت الحره اللي كنــــــت فيها تخفا = وأصبــــــحت سهلت المطلاع والحمد لله



شليويح بن شلاح :


رمــــــش عيني على الغياب ماساع رفا = ياعسـى الله يحيـــــيكم على دبرت الله


أمـــــش مع درب منقي البعير المـــعفا = ياعــــــسى الله يديم الأمن والدايم الله



صياف الحربي يرحمه الله :


أدخل البيــــــــت عن برد الزمان وتدفا = وألبس إحرام وأدخل فالحرم وأطلب الله


نزهم الطــــرقي اللي ذيك الأيام قفا = ميــــــــــــــر قدام يسمع صوتنا جابه الله



شليويح بن شلاح :


لابسن بشت ضافي وأنت بشتك مضفا = مارحمـــتك لاكنك جيت في رحمة الله


خيلت وأمطـــــرت والوبل ماساع كفا = وأنت ياجـــــــــارنا عساك في جيرة الله




صياف الحربي يرحمه الله :


ســـــــاع مابان نورك يالسراج المطفا = ثم نــــــورت للأجـــــــواد مع قدرت الله


ماتحركــــــــــت من بحرن عليك يتكفا = لين شــــــــــبت عليك النار والعالم الله




شليويح بن شلاح :


كنت مرتاح عن كل الدعــــاوي مكفا = مير أبشـــــيل سيفي وأتوكل على الله


أنت جـــــــــدك بعث لاكن عمك توفا = معجــــــــزه معجزه لاكن من صنعت الله






بالصوت:




http://www.youtube.com/watch?v=hQe3-...eature=related

بارك الله بك , شكراً أخي الكريم

ياليت شعار اليوم يلعبون مثل هاللعب حتى الواحد يشغل مخه بدل مايصايح مثل جمهور هالايام